కొండపల్లి చార్మినార్ రేకుల కంపెనీలో ఘోర ప్రమాదం జరిగింది. లారీ రివర్స్ చేస్తున్న సమయంలో గోడకు తగలడంతో, అది కూలి సరిపల్లి శ్రీహరి అనే యువకుడు అక్కడికక్కడే మృతి చెందాడు. మృతుడు శ్రీహరి జి కొండూరు మండలం ముత్యాలంపాడుకు చెందిన వ్యక్తి . ఏడాది క్రితమే వివాహమైన శ్రీహరి మరణంతో బంధువులు కన్నీరుమున్నీరవుతున్నారు. యాజమాన్యం నిర్లక్ష్యం వల్లే ఈ ప్రమాదం జరిగిందంటూ మృతుడి బంధువులు, గ్రామస్తులు కంపెనీ ఎదుట ధర్నాకు దిగారు. గతంలోనూ ఇలాంటి ఘటనలు జరిగినా కంపెనీ దాచిపెట్టిందని స్థానికులు ఆరోపిస్తున్నారు.