ప్రకాశం జిల్లా ఒంగోలులో అక్రమ లేవుట్లకు అడ్డు అదుపు లేకుండా పోయింది. సరైన అనుమతులు లేకుండానే రియల్టర్లు వెంచర్లు వేసి.. ప్లాట్స్ అమ్మేస్తున్నారు. ప్రజల కష్టాన్నీ అందినకాడికి సొమ్ము చేసుకుంటున్నారు. ఇటీవల కాలంలో ఒంగోలులో ప్లాట్స్ ప్రీలాంచ్ ఈవెంట్ నిర్వహించిన శ్రీభ్రమర రాయల్ ఎవెన్యూస్ కూడా అరకొర అనుమతులతోనే ..ది సిటి మెగా గ్రేటడ్ వెంచర్స్’ లో ప్లాట్స్ అమ్మకాలు చేపట్టింది. పూర్తిస్థాయిలో ప్రభుత్వ అనుమతులు లేకుండానే అమ్మకాలు జరిపింది. అరకొర అనుమతులు తీసుకొని అమాయకులకు అంటగడుతున్నారనే ఆరోపణలు వెల్లువెత్తుతున్నాయి. కొనుగోలు చేసినవాళ్లు నష్టపోతారంటూ ప్రజా సంఘాలు హెచ్చరిస్తున్నాయి. జిల్లాలో అక్రమ లే అవుట్లపై ఉన్నతాధికారులు ఎలాంటి చర్యలు తీసుకోవడం లేదని ఆందోళన వ్యక్తం చేస్తున్నారు. ఇప్పటికైనా అధికారులు చర్యలు తీసుకోవాలని డిమాండ్ చేస్తున్నారు. ఇదే విషయమై మరింత సమాచారం మా ప్రకాశం ప్రతినిధి సురేష్ అందిస్తారు.