కందుకూరు టిక్కెట్ విషయంలో సస్పెన్స్ కు తెరపడింది. ఇంటూరి నాగేశ్వరరావు (inturi nageswara rao) వైపే చంద్రబాబు నాయుడు (Chandra babu naidu) మొగ్గు చూపారు. గురువారం విడుదల చేసిన రెండో జాబితాలో కందుకూరు నియోజకవర్గం నుంచి తెలుగుదేశం – బిజెపి – జనసేన పార్టీల ఉమ్మడి అభ్యర్థిగా ఇంటూరి నాగేశ్వరరావు పేరును చంద్రబాబు నాయుడు ప్రకటించారు. దీంతో నియోజకవర్గ వ్యాప్తంగా తెలుగుదేశం పార్టీ నాయకులు, కార్యకర్తలు, అభిమానులు సంబరాల్లో మునిగిపోయారు. నియోజకవర్గ వ్యాప్తంగా వేలాదిమంది తరలివచ్చి ఇంటూరి నాగేశ్వరరావు ని అభినందనలతో ముంచెత్తారు. ఆయనకు మద్దతుగా పట్టణంలో భారీ ర్యాలీ నిర్వహించారు. రెండు సంవత్సరాల నుంచి నిత్యం ప్రజల మధ్య తిరుగుతున్న నాగేశ్వరరావు కష్టానికి ఫలితం దక్కిందని, ఇక ఆయన విజయం ఖాయం అయిపోయినట్టేనని, సుమారు పాతికేళ్ల తర్వాత కందుకూరులో తెలుగుదేశం జెండా ఎగురవేయబోతున్నామని పార్టీ శ్రేణులు హర్షం వ్యక్తం చేశాయి.
Follow us on : Facebook, Instagram, YouTube & Google News
ఇది చదవండి: జనసేన పార్టీ నూతన సర్పంచ్ గా కిచ్చంశెట్టి..
మరిన్ని తాజా వార్తల కోసం ఇక్కడ క్లిక్ చేయండి.
CVR న్యూస్ తెలుగు వాట్సాప్ ఛానల్ ను ఫాలో అవ్వండి
