తిరుపతి జిల్లా శ్రీహరికోటలోని సతీష్ ధావన్ అంతరిక్ష కేంద్రం రెండో లాంచ్‌ ప్యాడ్‌ నుంచి ఇస్రో ప్రయోగించిన జీఎస్‌ఎల్‌వీ-ఎఫ్‌17 రాకెట్‌ ప్రయోగం విజయవంతమైంది. ఇది అత్యాధునిక భూ పరిశీలన ఉపగ్రహం ఈవోఎస్‌-05ను నింగిలోకి మోసుకెళ్లింది. సబ్‌-జియోసింక్రనస్‌ ట్రాన్స్‌ఫర్‌ ఆర్బిట్‌లోకి ప్రవేశపెట్టింది. ఇది సుమారు 8 నెలల విరామం తర్వాత ఇస్రో చేపట్టిన మిషన్‌ కావడం విశేషం. జీఎస్ఎల్‌వీ సిరీస్‌లో ఇది 19వ రాకెట్‌ ప్రయోగం. ఈవోఎస్‌-05 ఉపగ్రహం బరువు 2,268 కిలోలు. సరిహద్దు ప్రాంతాలను వేగంగా, స్పష్టంగా కెమెరాలతో పరిశీలించనుంది. తుపానులు, వరదలు, భూకంపాలను నిమిషాల వ్యవధిలోనే గుర్తించనుంది. ప్రకృతి విపత్తులపై ముందస్తు హెచ్చరికలను జారీ చేయనుంది. పంటల ఆరోగ్యం, భూవినియోగంలో మార్పులను పరిశీలించనుంది. దేశ రక్షణ రంగంలో ఈ ఉపగ్రహం కీలకం కానుంది. దేశ భౌగోళిక సరిహద్దుల సమాచారానికి రియల్‌టైమ్‌లో సేకరించనుంది.