టిడిపి కార్యాలయం (TDP office ) :
మార్కాపురంలో ఉన్న టిడిపి కార్యాలయంలో పాత్రికేయుల సమావేశం నిర్వహించారు ఎన్నికల కోసం హడావుడిగా పూర్తికాని వెలుగొండ ప్రాజెక్టును జాతికి అంకితం చేస్తానని అమాయక ప్రజలను మోసం చేస్తున్న సీఎం జగన్ మోహన్ రెడ్డి నాటకాలను ప్రజల్లోకి తీసుకువెళ్లి రానున్న ఎన్నికల్లో తగిన బుద్ధి చెప్పేందుకు ప్రజలు సిద్ధంగా ఉన్నారని మార్కాపురం టిడిపి ఇన్చార్జ్ కందుల నారాయణరెడ్డి అన్నారు. ఈ సందర్భంగా కందుల నారాయణరెడ్డి వైసీపీ ప్రభుత్వం పై జగన్మోహన్ రెడ్డి పై విరుచుకుపడ్డారు.
Follow us on : Facebook, Instagram, YouTube & Google News
పరిపాలన చేసిన ఐదు సంవత్సరాల కాలంలో పశ్చిమ ప్రాంతానికి ఏమి వరగదీసారని ఈ ప్రాంతానికి వస్తున్నారని ప్రశ్నించారు. నిర్వాసితులకు నష్టపరిహారం చెల్లించకుండా ఎత్తిపోతల ప్రాజెక్టులను పూర్తి చేయకుండా కాలువలను పూర్తి చేయకుండా, నిర్వాసితుల కాలనీలలో వసతులు కల్పించకుండా ఏ విధంగా ప్రాజెక్టును జాతికి అంకితం చేస్తారని ప్రశ్నించారు. మీరు చేస్తున్న మోసాలను ప్రజలను మభ్యపెడుతున్న వాగ్దానాలను రానున్న రోజుల్లో ప్రజలకు అర్థమయ్యే విధంగా తీసుకువెళ్లి వైసీపీ ప్రభుత్వాన్ని ఎండగడతామని ఆయన సందర్భంగా తెలియజేశారు. ఈ కార్యక్రమంలో టిడిపి ముఖ్య నాయకులు పాల్గొన్నారు.
మరిన్ని తాజా వార్తల కోసం ఇక్కడ క్లిక్ చేయండి.
CVR న్యూస్ తెలుగు వాట్సాప్ ఛానల్ ను ఫాలో అవ్వండి
