మంత్రి కొండా సురేఖ పదవి వ్యవహారం నేపథ్యంలో ఎలాంటి అవాంఛనీయ ఘటనలు జరగకుండా పోలీసులు ముందస్తు చర్యలు చేపట్టారు.ఇందులో భాగంగా వరంగల్ జిల్లా గీసుకొండ మండలంలోని ప్రధాన రహదారులు, సున్నిత ప్రాంతాల్లో పోలీసులు కవాతు నిర్వహించారు.ప్రజల్లో భద్రతా భావం కల్పించడంతో పాటు శాంతిభద్రతలకు విఘాతం కలగకుండా పోలీసు బలగాలను అప్రమత్తం చేశారు.అనుమానాస్పద వ్యక్తులు, పరిస్థితులపై ప్రత్యేక నిఘా ఉంచామని.. నిబంధనలు ఉల్లంఘిస్తే కఠిన చర్యలు తీసుకుంటామని పోలీసులు హెచ్చరించారు.