గాజాపై మరోసారి ఇజ్రాయెల్ గ్రౌండ్ ఎటాక్ చేసింది. గత ఆదివారం రాత్రి ఓసారి భూతల దాడి చేసిన ఇజ్రాయెల్ ఆర్మీ .. మళ్లీ బుధవారం అర్థరాత్రి కూడా ఉత్తర గాజా బార్డర్ ఏరియాలపై స్వల్ప స్థాయిలో ఎటాక్స్ నిర్వహించింది. ఇందులో భాగంగా హమాస్‌కు సంబంధించి మొత్తం 250 స్థావరాలపై దాడులు చేశామని ఇజ్రాయెల్ ఆర్మీ వెల్లడించింది. ఈసందర్భంగా హమాస్ కమాండ్‌ సెంటర్లు, సొరంగాలు, రాకెట్‌ లాంచర్లు, యాంటీ ట్యాంక్‌ క్షిపణి ప్రయోగ స్థావరాలను లక్ష్యంగా చేసుకున్నట్లు తెలిపింది. ఉత్తర గాజాలోని నివాసాల మధ్యే రాకెట్‌ లాంచర్లు ఉన్నాయని గుర్తించామని ఆరోపించింది. గాజాలో ఇంధన వనరులు పూర్తిగా అయిపోయాయని ఐక్యరాజ్యసమితి వెల్లడించిన వెంటనే ఇజ్రాయెల్ ఆర్మీ గ్రౌండ్ ఎటాక్ చేయడం గమనార్హం. అయితే ఈ దాడుల్లో ఇరువైపులా ఎంతమేర ప్రాణ నష్టం జరిగిందనే వివరాలు తెలియరాలేదు. మరోవైపు దక్షిణ గాజాలోని ఖాన్‌ యూనిస్‌ పట్టణంలో 75 మంది ఉంటున్న ఓ నివాస భవనంపై ఇజ్రాయెల్ గగనతల దాడి చేసింది. ప్రాణనష్టం గురించి తెలియరాలేదు. ఇజ్రాయెల్ దాడుల్లో ఇప్పటివరకు మరణించిన గాజా పౌరుల సంఖ్య 6500 దాటింది.
గాజాపై మరోసారి ఇజ్రాయెల్ గ్రౌండ్ ఎటాక్
83
previous post