అమెరికా, ఇరాన్ల మధ్య కొంతకాలంగా కొనసాగుతున్న ఉద్రిక్తతలకు తెరపడనున్నట్లు తెలుస్తోంది. ఇరాన్తో యుద్ధాన్ని ముగించేందుకు ఒక గొప్ప ఒప్పందం కుదిరిందని సంచలన ప్రకటన చేశారు అమెరికా అధ్యక్షుడు డొనాల్డ్ ట్రంప్. ఈ ఒప్పందంపై సంతకాలు పూర్తయిన వెంటనే హర్మూజ్ జలసంధిని తిరిగి తెరుస్తామని, ఇది కొద్ది రోజుల్లోనే జరగవచ్చని తెలిపారు. ఇరాన్తో యుద్ధం విషయంలో పరిష్కారానికి వచ్చామని..ఈ వీకెండ్లో యూరప్లో ఈ ఒప్పందంపై సంతకాలు జరగవచ్చని వెల్లడించారు. ఈ శాంతి ఒప్పందంలోని చివరి అంశాలకు ఆమోదం లభించడంతో ఇరాన్పై కొత్తగా చేయాలనుకున్న దాడులను రద్దు చేసుకున్నట్లు తెలిపారు.
ఈ ఒప్పందంలోని అత్యంత కీలకమైన అంశం ఇరాన్ను అణ్వాయుధ దేశంగా మారకుండా నిరోధించడమేనని ట్రంప్ స్పష్టం చేశారు. ఇరాన్ ఎప్పటికీ అణ్వాయుధాన్ని తయారు చేయకూడదనే మా లక్ష్యం ఈ ఒప్పందంతో నెరవేరిందని.. దీనికోసమే మేమంతా ఇంతకాలం శ్రమించామన్న ట్రంప్… ఇది చాలా పెద్ద విషయమన్నారు. ఈ ఒప్పందం గురించి ఇజ్రాయెల్ ప్రధాని బెంజమిన్ నెతన్యాహుతో పాటు ఖతార్, యూఏఈ, సౌదీ అరేబియా, బహ్రెయిన్, కువైట్ దేశాధినేతలతో చర్చించినట్లు తెలిపారు. త్వరలోనే తుర్కియే అధ్యక్షుడు ఎర్డోగాన్తో కూడా మాట్లాడనున్నట్లు వెల్లడించారు ట్రంప్.
Total views : 140767