కాల్పుల విరమణకు ప్రసక్తే లేదు – ఇజ్రాయెల్

హమాస్‌పై తీవ్రస్థాయిలో విరుచుకుపడుతూ పెను నష్టాన్ని కలిగిస్తున్న ఇజ్రాయెల్ వెనక్కి తగ్గేందుకు ససేమిరా అంటోంది. గాజాపై భూతల దాడులను తీవ్రం చేసిన ఇజ్రాయెల్ కాల్పుల విరమణకు నో చెప్పింది. హమాస్ అంతం చూసి యుద్ధంలో విజయం సాధించే వరకు వెనక్కి తగ్గబోమని తేల్చి చెప్పింది. ఇజ్రాయెల్ ప్రధాని బెంజిమిన్ నెతన్యాహు నిన్న మాట్లాడుతూ.. కాల్పుల విరమణ ప్రసక్తే లేదని తేల్చి చెప్పారు. అది జరిగే పని కాదని స్పష్టం చేశారు. విజయం సాధించే వరకు యుద్ధం చేస్తామని పేర్కొన్నారు. అమెరికా, దాని మిత్ర పక్షాలు కూడా కాల్పుల విరమణను వ్యతిరేకిస్తున్నాయి.