శరీరంలో విటమిన్‌ ‘డి’ తక్కువైతే..!

ఆరోగ్యంగా ఉండాలంటే అన్ని రకాల విటమిన్లు శరీరానికి అందాల్సిందే. ఏ ఒక్క విటమిన్ లోపించినా. శరీరం అనారోగ్యానికి గురికావాల్సిందే. ఇక విటమిన్‌ ‘డి’ గురించి చెప్పనక్కరలేదు. దీని అవసరం శరీరానికి, ఆరోగ్యానికి చాలా అవసరం. కండరాలు, ఎముకలు ప్రతి ఒక్క భాగం ఆరోగ్యంగా ఉండాలంటే. విటమిన్-డి తప్పనిసరిగా తీసుకోవాల్సిందే. దీని లోపం వల్ల మధుమేహం, గుండె సంబంధ వ్యాధులు, క్యాన్సర్‌ వచ్చే అవకాశాలున్నట్లు నిపుణులు హెచ్చరిస్తున్నారు. ఈ మధ్యకాలంలో ‘విటమిన్‌-డి’ తక్కువగా ఉండటం సర్వసాధారణమైపోయింది. ముఖ్యంగా స్త్రీలతో ఈ సమస్య నానాటికి పెరుగుతూనే ఉంది. ఎముకలకు కావాల్సిన క్యాల్షియమ్‌ను శోషించుకోవడానికి, కండరాలు బలహీనం కాకుండా రక్షించడానికి విటమిన్‌-డి తోడ్పడుతుంది. ‘విటమిన్-డి’ని సూర్యకాంతి నుంచి సులభంగా పొందవచ్చు. అలా కాని పక్షంలో డాక్టర్ సూచనతో విటమిన్-డి సప్లిమెంట్స్ తీసుకోవడం మంచిది. శరీరంలో విటమిన్‌-డి తక్కువైతే. నీరసం, నడుము నొప్పి, జుట్టు రాలడం వంటి అనారోగ్య సమస్యలు తలెత్తుతాయి. విటమిన్-డి లోపం వల్ల కండరాల బలహీనత, డిప్రెషన్ విటమిన్-డి సమస్యలు వేధిస్తాయి. ఎముకల ఆరోగ్యం కూడా క్షీణిస్తుంది. మెదడు పనితీరుపైనా దీని ప్రభావం ఉంటుంది. గుండె పనితీరు చురుకుగా ఉండటంలో విటమిన్-డి ప్రధానపాత్ర పోషిస్తోంది. అధిక రక్తపోటు సమస్యలున్నవారు ‘విటమిన్-డి’ అశ్రద్ధ చేయకూడదు. బద్దకం, అలసట, నిరుస్సాహం, కోపం వంటి లక్షణాలు కూడా విటమిన్-డి లోపానికి సంకేతాలు. శరీరానికి అవసరమైన ‘డి’ విటమిన్ తీసుకోవడం వల్ల ఎప్పుడూ ఉత్సాహంగా ఉంటాము. గుడ్డులో పసుపు సొన, ఆర్గాన్‌ మీట్స్‌, ఆయిల్స్‌, పాలు, ఛీజ్‌, పన్నీర్‌, నెయ్యి, వెన్నలో ‘విటమిన్‌-డి’ పుష్కలంగా ఉంటుంది. ఆహారంలో ఇవి తప్పనిసరిగా ఉండేలా చూసుకోవాలి. పుట్టగొడుగులో విటమిన్ డి సమృద్ధిగా దొరుకుతుంది. తరచుగా వీటిని తీసుకోవడం ఆరోగ్యానికి చాలా మంచిది. ప్రతిరోజూ ఒక గుడ్డు పూర్తిగా తీసుకుంటే విటమిన్‌-డి లోపం రాదు. శరీరంలో విటమిన్‌ ‘డి’ తక్కువ కాకుండా చూసుకోవాలి. ఉదయపు ఎండలో విటమిన్ డి పుష్కలంగా ఉంటుంది. ప్రతిరోజూ శరీరానికి సూర్యరశ్మి తగిలేలా చూసుకుంటే విటమిన్-డి లోపాలు ఉండవు. ఎండలో నడవడం, వ్యాయామం చెయ్యడం లాంటివి చేయడం వల్ల ఎముకలు బలంగా తయారవుతాయి. విటమిన్ డి లోపం ఉన్నవారు డాక్టర్ సూచనతో సప్లిమెంట్స్ తీసుకోవాలి. ఎక్కవగా తీసుకున్న ప్రమాదమే.