శ్రీ సత్య సాయి జిల్లా మడకశిర ఎమ్మెల్యే డాక్టర్ తిప్పేస్వామి మీడియా సమావేశంలో మాట్లాడుతూ మీ తాత మీ నాన్నతో పాటు నేను రాజకీయం చేశాను. మీ వంశ చరిత్ర మొత్తం తెలుసు నువ్వు నా గురించి మాట్లాడుతావా అని తెలుగుదేశం పార్టీ జాతీయ కార్యదర్శి నారా లోకేష్ పై మండిపడ్డారు. నిజ నిజాలు వాస్తవాలు తెలుసుకోకుండా జాతీయ నాయకుడు హోదాలో ఉండి తప్పుడు మాటలు మాట్లాడతావా? వాలంటీర్ పై అఘాయిత్యం నిజమని నిరూపిస్తే నేను రాజకీయ సన్యాసం చేయడానికి సిద్ధంగా ఉన్నాను. ఒకవేళ నిజం నిరూపించకపోతే నీవు రాజకీయాల నుంచి తప్పుకుంటావా అని నారా లోకేష్ కు సవాల్ విసిరిన ఎమ్మెల్యే డా.తిప్పేస్వామి. వెంటనే బహిరంగ క్షమాపణ చెప్పాలని డిమాండ్ చేశారు.
