డేటా సెంటర్లపై భయాలు వద్దు -నారా లోకేష్.

<p>విశాఖపట్నంలో డేటా సెంటర్ల ఏర్పాటుతో నగర ప్రజల నీటి సరఫరాకు ఎలాంటి అంతరాయం ఉండదని మంత్రి నారా లోకేష్ స్పష్టం చేశారు&period; డేటా సెంటర్ల నీటి అవసరాలు&comma; పర్యావరణ ప్రభావంపై ఉద్దేశపూర్వకంగా తప్పుడు ప్రచారం జరుగుతోందని ఆయన అసెంబ్లీలో పేర్కొన్నారు&period; 6&period;5 గిగావాట్ల సామర్థ్యంతో ప్రతిపాదిత డేటా సెంటర్ ఎకోసిస్టమ్‌కు ప్రస్తుత సాంకేతికత ఆధారంగా ఏటా సుమారు 3 టీఎంసీల నీరు అవసరమవుతుందని&comma; కొత్త శీతలీకరణ సాంకేతికతలతో నీటి వినియోగం మరింత తగ్గే అవకాశం ఉందని తెలిపారు&period;<&sol;p>&NewLine;<p>నగరవాసుల కోసం కేటాయించిన నీటిని మళ్లించకుండా పోలవరం నీటి పారిశ్రామిక కేటాయింపు నుంచే డేటా సెంటర్లకు నీటిని సరఫరా చేస్తామని లోకేష్ తెలిపారు&period; ఇందుకోసం ప్రత్యేక పైప్‌లైన్లు ఏర్పాటు చేస్తామని&comma; 18 నెలల్లో గురుత్వాకర్షణ ఆధారిత నీటి సరఫరాను అందుబాటులోకి తీసుకురావాలని ప్రభుత్వం లక్ష్యంగా పెట్టుకుందని చెప్పారు&period; డేటా సెంటర్లు ఏఐ ఆధారిత డిజిటల్ ఆర్థిక వ్యవస్థకు&comma; దేశ డేటా సార్వభౌమత్వానికి కీలకమని పేర్కొన్న ఆయన&comma; పర్యావరణ బాధ్యతకు ప్రాధాన్యత ఇచ్చే కంపెనీలకే ప్రభుత్వం ప్రోత్సాహం అందిస్తుందని తెలిపారు&period;<&sol;p>&NewLine;