నంద్యాల జిల్లా(Nandyala district), ఆళ్లగడ్డ
నంద్యాల జిల్లాలోని ప్రముఖ పుణ్యక్షేత్రమైన ఎగువ అహోబిలం క్షేత్రంలో శుక్రవారం రాత్రి శ్రీ జ్వాలా నరసింహ స్వామి చెంచులక్ష్మి అమ్మవార్ల కళ్యాణ మహోత్సవం కన్నుల పండుగగా జరిగింది. వేలాది మంది భక్తులు శ్రీవారి కల్యాణాన్ని తిలకించేందుకు అహోబిలం క్షేత్రానికి తరలి వచ్చారు. ఈ సందర్భంగా భక్తులు పెద్ద ఎత్తున గోవింద నామస్మరణలతో నల్లమల గిరులు ప్రతిధ్వనించాయి. వేదమంత్రాల సాక్షిగా మేళ తాళాలు మంగళ వాయిద్య ఘోష నడుమ శ్రీ లక్ష్మీ నరసింహ స్వామి వారి కళ్యాణం వైభవంగా నిర్వహించారు.
Follow us on : Facebook, Instagram, YouTube & Google News
అహోబిలం 46వ పీఠాధిపతి శ్రీ వన్ శఠగోప శ్రీ రంగనాథ యతేంద్ర మహాదేశికన్ స్వామి వారి ఆధ్వర్యంలో కళ్యాణ మహోత్సవాన్ని వేద పండితులు కళ్యాణానికి పూర్వ రంగంగా ఎదురుకోలు మహోత్సవాన్ని నిర్వహించారు. ఈ సందర్భంగా ఎలాంటి అవాంఛనీయ సంఘటన జరగకుండా గట్టి పోలీసు బందోబస్తు ఏర్పాటు చేశారు. అహోబిలం శ్రీ లక్ష్మీనరసింహస్వామి వారి బ్రహ్మోత్సవాల సందర్భంగా ఆళ్లగడ్డ ఆర్టీసీ డిఎం రాజశేఖర్ రెడ్డి ఆధ్వర్యంలో ప్రత్యేక బస్సులను ఏర్పాటు చేశారు.
మరిన్ని తాజా వార్తల కోసం ఇక్కడ క్లిక్ చేయండి.
CVR న్యూస్ తెలుగు వాట్సాప్ ఛానల్ ను ఫాలో అవ్వండి