బిఆర్ఎస్ అభ్యర్ధి కు నిరసన సెగ..

నేరేడుగొమ్ము మండలంలో ప్రచారానికి వెళ్ళిన రవీంద్ర కుమార్ ను అడ్డుకుని నిరసన తెలయజేసిన స్థానిక తండా ప్రజలు.‌‌ నల్లగొండ జిల్లా దేవరకొండ బీఆర్ఎస్ ఎమ్మెల్యే అభ్యర్థి రమావత్ రవీంద్ర కుమార్ కు తండా ప్రజల నుంచి చుక్కెదురైంది. ఎన్నికల ప్రచారంలో భాగంగా నేరడుగొమ్ము మండలం గుర్రపుతండాలో రవీంద్ర కుమార్ ప్రచారం నిర్వహిస్తున్న సందర్భంగా గ్రామానికి చెందిన మహిళలు, యువకులు ఎమ్మెల్యే అభ్యర్థి రవీంద్ర కుమార్ ప్రచారాన్ని అడ్డుకున్నారు. గత ఐదేళ్ల కాలంలో కనీసం గ్రామంలో ఉన్న నీటి సమస్యను కూడా పరిష్కరించలేదని, బిఆర్ఎస్ నాయకులకు తమ గ్రామంలో పర్యటించే హక్కు లేదని ఎమ్మెల్యేను నిలదీశారు. దీంతో చేసేదేమీ లేక బీఆర్ఎస్ ఎమ్మెల్యే అభ్యర్థి రవీంద్ర కుమార్ అక్కడ నుంచి పోలిసుల సహాయంతో వెనుతిరగడం జరిగింది.