ఏషియన్‌ గేమ్స్‌లో పతకాలు సాధించిన ఏపీ క్రీడాకారులు కోనేరు హంపి, బి.అనూష, జ్యోతి యర్రాజీ సీఎం క్యాంప్‌ కార్యాలయంలో సీఎం వైఎస్‌ జగన్‌ను కలిశారు. క్రీడాకారులు వారు సాధించిన పతకాలను సీఎంకు చూపించారు. ఈ సందర్భంగా సీఎం జగన్ మాట్లాడుతూ అంతర్జాతీయ వేదికలపై తెలుగు వారి ఖ్యాతిని నిలబడినందుకు చాలా ఆనందంగా ఉందని క్రీడాకారులను అభినందించారు. జాతీయ, అంతర్జాతీయ క్రీడలలో పతకాలు సాధించిన క్రీడాకారులను ఆంధ్రప్రదేశ్‌ ప్రభుత్వం ప్రోత్సహిస్తుందని సీఎం జగన్ అన్నారు. క్రీడలకు మరింతగా ప్రాధాన్యతనిస్తూ సీఎం వైఎస్‌ జగన్‌ స్పోర్ట్స్‌ పాలసీ ప్రకారం క్రీడాకారులకు ఇచ్చే నగదు పురస్కారాన్ని విడుదల చేశారు.