రోడ్డు మధ్యలో కారు ..రాకపోకలకు అంతరాయం

ఓ షాప్ ఎదుట అడ్డంగా కారు పెట్టి ఎంతసేపటికి రాకపోవడంతో ఆ కారును నడి రోడ్డు పైకి తోయడంతో సుమారు ఒక గంట వరకు వాహన రాకపోకలకు అంతరాయం ఏర్పడిన సంఘటన అన్నమయ్య జిల్లా రాయచోటి పట్టణం యస్ యన్ కాలని గున్నికుంట్ల రోడ్డు ప్రధాన రోడ్డు పై చోటు చేసుకోంది. వివరాల్లోకి వెళితే నెల్లూరు జిల్లాకు చెందిన ఓ సాఫ్ట్ వేరే ఉద్యోగి పట్టణంలోని యస్ యాన్ కాలని లో తన అత్త గారి ఇంటికి ఆదివారం రాత్రి రావడం జరిగింది .తన అత్తగారి ఇంటికి కారు పొయ్యే సౌకర్యం లేక పోవడంతో సమీపంలోని ఓ షాప్ ఎదుట పార్కింగ్ చేశారు అతని కారును .కానీ ఈ రోజు ఉదయం తొమ్మిది గంటలు అయినప్పటికీ ఆ కారును అక్కడ నుంచి తియకపోవడంతో ఆ షాప్ యజమాని తన గుమస్తాలతో కలిసి నడి రోడ్డు పైకి తోయడం జరిగింది .దీంతో వాహనదారులు తో పాటు పాదచారులు రాకపోకలకు ఇబ్బందులు ఎదుర్కోవాల్సిన దుస్థితి ఏర్పడింది .దీంతో కారును ఒక ఆటోకు కట్టి పక్కకు పెట్టె ప్రయత్నం చేస్తుండగా కారు యజమాని అక్కడికి చేరుకొన్నారు .వెంటనే కారు ను కారు యజమానితో పాటు షాప్ యజమానిని ట్రాఫిక్ కార్యాలయానికి తీసుకువెళ్ళారు .వారికీ మందలించి పంపిచ్చినట్లు ట్రాఫిక్ పోలీసులు తెలిపారు