శ్రీకాళహస్తి తొండమనాడు రోడ్డులోని అమ్మ పాలెం క్రాస్ రోడ్డు వద్ద చుక్కల నిడిగల్లు పంట కాలువలో అనుమానాస్పద స్థితిలో యువతి మృతదేహాన్ని గుర్తించారు. మృతదేహంపై గోతాలు టెంకాయ మట్టలతో కప్పి వుండటంతో ఏదో జంతువు మృత దేహామని గ్రామస్తులు అనుకున్నారు. పరిశీలిస్తే అది అమ్మాయి మృతు దేహమని తెలుసుకొని భయభ్రాంతులకు గురయ్యారు. వెంటనే పోలీసులకు ఫిర్యాదు చేశారు. సిఐ అజయ్ కుమార్ సిబ్బందితో సంఘటనా స్థలానికి చేరుకొని పరిశీలించారు. పోలీసు విచారణలో ఆ యువతీ సమీప గ్రామాలకు చెందినది కాదని గ్రామస్తులు చెప్పారు. శరీరంపై కనపడని రక్త గాయాలు ఎక్కడో హత్య చేసి ఇక్కడ పడేశారా ఇక్కడే హత్య జరిగిందా ? ఆ యువతి ఎవరు? ఎవరు హత్య చేసి ఉండొచ్చు అనే కోణంలో పోలీసులు దర్యాప్తు చేస్తున్నారు.
