చెప్పుల లోడు తో దగ్ధమైన బొలెరో..

ప్రకాశం జిల్లా మార్కాపురం మండలం నిరంపల్లె గ్రామ జాతీయ రహదారిపై తెల్లవారుజామున చెప్పుల లోడు తో వెళుతున్న బొలెరో వాహనం లారీని ఢీకొంది. దీంతో బొలెరో వాహనం లో మంటలు చెలరేగి వాహనం పూర్తిగా దగ్ధమైంది. ఈ సంఘటనలో లారీ డ్రైవర్ అక్కడికక్కడే మృతి చెందాడు. బొలెరో వాహనం డ్రైవర్ మంటల్లో నుంచి దూకి పరారయ్యాడు. బొలోరో క్లీనర్ కు లారి లోని ఇంకొక డ్రైవర్ కు వారిద్దరికీ స్వల్ప గాయాలు కావడంతో జిల్లాప్రభుత్వ వైద్యశాలకు తరలించారు. డి.ఎస్.పి, సిఐ ప్రమాద స్థలాన్ని పరిశీలించి కేసు నమోదు చేసి దర్యాప్తు చేస్తున్నారు. కర్నూలు నుండి కోల్కతా ఉల్లిగడ్డలోడు తో వెళ్తున్న లారీని విజయవాడ నుండీ అనంతపురం వెళ్తున్న చెప్పుల లోడు తో వెళ్తున్న బొలెరో వాహనం ఢీ కొట్టడంతో ప్రమాదం జరిగింది.