ఇజ్రాయెల్-లెబనాన్ మధ్య మళ్లీ ఉద్రిక్తతలు..

<p>ఇజ్రాయెల్-లెబనాన్ మధ్య ఉద్రిక్తతలు మరోసారి తీవ్రరూపం దాల్చాయి&period; లెబనాన్ దక్షిణ ప్రాంతాలపై ఇజ్రాయెల్ తాజాగా జరిపిన వైమానిక దాడుల్లో కనీసం 31 మంది మరణించినట్లు స్థానిక అధికారులు వెల్లడించారు&period; ఏప్రిల్‌లో ఇరు దేశాల మధ్య కాల్పుల విరమణ ఒప్పందం కుదిరిన తర్వాత జరిగిన అత్యంత భీకర దాడులు ఇవేనని అంతర్జాతీయ మీడియా పేర్కొంది&period;లెబనాన్‌లోని పలు గ్రామాలు&comma; నివాస ప్రాంతాలు&comma; హెజ్‌బొల్లా అనుమానిత స్థావరాలపై ఇజ్రాయెల్ యుద్ధవిమానాలు దాడులు చేశాయి&period; ఈ దాడుల్లో మహిళలు&comma; పిల్లలు సహా పలువురు పౌరులు మృతి చెందినట్లు తెలుస్తోంది&period; మరికొందరు తీవ్రంగా గాయపడ్డారు&period; శిథిలాల కింద ఇంకా పలువురు చిక్కుకుని ఉండొచ్చని అధికారులు చెబుతున్నారు&period; లెబనాన్ ప్రభుత్వం ఈ దాడులను తీవ్రంగా ఖండించింది&period; కాల్పుల విరమణ ఒప్పందాన్ని ఇజ్రాయెల్ ఉల్లంఘించిందని ఆరోపించింది&period;హెజ్‌బొల్లా మిలిటెంట్లు తమ సరిహద్దు ప్రాంతాలపై రాకెట్లు ప్రయోగించారని &comma; దానికి ప్రతిస్పందనగానే ఈ దాడులు నిర్వహించినట్లు ఇజ్రాయెల్ సైన్యం తెలిపింది&period; హెజ్‌బొల్లా స్థావరాలు&comma; ఆయుధ గిడ్డంగులను లక్ష్యంగా చేసుకుని దాడులు చేశామని పేర్కొంది&period; తాజా దాడులపై ఐక్యరాజ్యసమితి ఆందోళన వ్యక్తం చేసింది&period; ఇరు దేశాలూ సంయమనం పాటించాలని సూచించింది&period;<&sol;p>&NewLine;