టీవీ ఛానెళ్లలో యాడ్స్ పరిమితి రద్దు చేస్తూ కేంద్రం కీలక నిర్ణయం.

<p>టీవీ ఛానెళ్లలో ప్రసారం అయ్యే యాడ్స్ విషయంలో కేంద్ర ప్రభుత్వం కీలక నిర్ణయం తీసుకుంది&period; టెలివిజన్ ఛానెళ్లలో ప్రతి గంటకు గరిష్టంగా 12 నిమిషాల వాణిజ్య ప్రకటనల ప్రసారానికే పరిమితం చేస్తూ రెండు దశాబ్దాల క్రితం విధించిన నిబంధనను తొలగిస్తూ కేంద్ర సమాచార&comma; ప్రసార మంత్రిత్వ శాఖ ప్రకటన విడుదల చేసింది&period; 1994 నాటి కేబుల్ టెలివిజన్ నెట్‌వర్క్స్ నిబంధనల ప్రకారం 2006లో అమలులోకి వచ్చిన ఈ నిబంధన&comma; తాజా సవరణల గెజిట్ నోటిఫికేషన్ విడుదలైన వెంటనే రద్దవుతుందని ప్రభుత్వం ప్రకటించింది&period; డిజిటల్&comma; ఓటీటీ ప్లాట్‌ఫామ్‌లు వేగంగా విస్తరిస్తున్న ప్రస్తుత తరుణంలో&comma; సంప్రదాయ టెలివిజన్ బ్రాడ్‌కాస్టర్లకు కూడా వాటితో సమానమైన వ్యాపార అవకాశాలు కల్పించేందుకే ఈ చారిత్రక మార్పు చేసినట్లు వెల్లడించింది&period;<&sol;p>&NewLine;<p>2006లో ఈ పరిమితి విధించినప్పుడు దేశంలో కేవలం 62 ఛానెళ్లు మాత్రమే ఉండగా&comma; నేడు ఆ సంఖ్య 900 దాటిపోయిందని మంత్రిత్వ శాఖ పేర్కొంది&period; డిజిటలైజేషన్&comma; డీటీహెచ్&comma; ఐపీటీవీల విస్తరణతో ప్రేక్షకుల వద్దకు 300 నుంచి 500 కి పైగా ఛానెళ్లు చేరుతున్నాయని&comma; తద్వారా వీక్షకుల ఎంపికలు&comma; పోటీ భారీగా పెరిగాయని వివరించింది&period; ప్రధానంగా ప్రకటనల ఆదాయం పైనే ఆధారపడే పే-టీవీ&comma; ఉచిత ఛానెళ్లకు ఈ నిర్ణయం ద్వారా తమ అడ్వర్టైజింగ్ ఇన్వెంటరీని స్వయంగా నిర్ణయించుకునే పూర్తి వెసులుబాటు లభించనుందని&comma; ఇది భారత బ్రాడ్‌కాస్టింగ్ రంగానికి సరికొత్త ఉత్తేజాన్నిస్తుందని పరిశ్రమ వర్గాలు భావిస్తున్నాయి&period;<&sol;p>&NewLine;