భారీగా గంజాయి స్వాధీనం చేసుకున్న పోలీసులు..

కుత్బుల్లాపూర్.. శామీర్ పెట్ పోలీస్ స్టేషన్ పరిధి లో భారీ గంజాయి తరలిస్తున్న ఆరుగురు సభ్యులముఠా ను మేడ్చల్ ఎస్ ఓ టి పోలీసులు అరెస్ట్ చేశారు. ఒరిస్సా నుండి పుణె వయా హైదరాబాద్ మీదుగా రెండు (కార్లు)వాహనాల్లో తరలిస్తున్న 272 కేజీల గంజాయి ని శామీర్ పెట్ పోలీస్ స్టేషన్ పరిధిలోనీ ఔటర్ రింగ్ రోడ్ వద్ద పోలీసులు అదుపులోకి తీసుకున్నారు. వారి వద్ద నుండి 2 కార్లు, 7 సెల్ ఫోన్లు, స్వాధీన పరచుకుని రిమాండ్ కు తరలించామని, పెట్ బషీరాబాద్ లోని డీసీపీ కార్యాలయంలో మేడ్చల్ జోన్ డీసీపీ శబరీష్ వివరాలు వెల్లడించారు. పట్టుకున్న సొత్తు విలువ సుమారు 80 లక్షలు ఉంటుందని పోలీసులు తెలిపారు.