ప్రాణాలు తీస్తున్న మోత్కూరు-భువనగిరి రహదారి..

<p>యాదాద్రి భువనగిరి జిల్లాలో మోత్కూరు-భువనగిరి ప్రధాన రహదారి దుస్థితి ప్రజలను తీవ్ర ఇబ్బందులకు గురిచేస్తోంది&period; మోత్కూరులోని పనకబండ చౌరస్తా నుంచి రాజన్నగూడెం వరకు ఉన్న రహదారి పూర్తిగా గుంతలమయంగా మారి ప్రమాదాలకు నిలయంగా తయారైంది&period; ప్రతిరోజూ వందలాది వాహనాలు&comma; ఆర్టీసీ బస్సులు ఈ మార్గంలో ప్రయాణిస్తున్నప్పటికీ అధికారులు మాత్రం పట్టించుకోవడం లేదని స్థానికులు ఆవేదన వ్యక్తం చేస్తున్నారు&period; ముఖ్యంగా అత్యవసర పరిస్థితుల్లో పేషెంట్లను అంబులెన్స్‌లలో జిల్లా కేంద్రానికి తరలించే సమయంలో తీవ్ర ఇబ్బందులు ఎదురవుతున్నాయని ప్రజలు చెబుతున్నారు&period; రహదారిపై గుంతలు ఎక్కువగా ఉండటంతో వాహనాలు అదుపుతప్పి ప్రమాదాలు చోటుచేసుకుంటున్నాయి&period; ఇప్పటికే పలువురు గాయపడగా&comma; కొందరు ప్రాణాలు కోల్పోయినా అధికారుల్లో చలనం కనిపించడం లేదని మండిపడుతున్నారు&period; ఎన్నికల సమయంలో మాత్రమే హామీలు ఇచ్చి&comma; తర్వాత ప్రజలను మర్చిపోతున్న రాజకీయ నాయకుల తీరుపై స్థానికులు తీవ్ర అసంతృప్తి వ్యక్తం చేస్తున్నారు&period;<&sol;p>&NewLine;<p>నాలుగేళ్ల క్రితం బీఆర్ఎస్ ప్రభుత్వ హయాంలో ఈ మూడు కిలోమీటర్ల రహదారిని బీటీ రోడ్డుగా అభివృద్ధి చేయడానికి సుమారు 5 కోట్ల 80 లక్షల రూపాయలు మంజూరయ్యాయి&period; అయితే అసెంబ్లీ ఎన్నికల హడావుడిలో అప్పట్లో పనులు ప్రారంభం కాలేదు&period; తర్వాత కాంగ్రెస్ ప్రభుత్వం అధికారంలోకి వచ్చిన అనంతరం పనులు మొదలైనప్పటికీ&comma; కాంట్రాక్టర్ కేవలం ఒక కిలోమీటర్ వరకు మాత్రమే బీటీ వేసి మిగతా పనులు మధ్యలోనే నిలిపివేశారు&period; అనంతరం స్థానిక ఎమ్మెల్యే ఒత్తిడితో మరో కాంట్రాక్టర్ రోడ్డుపై మట్టి పోసి చదును చేయడంతో ప్రజల్లో కొంత ఆశ నెలకొంది&period; కానీ మున్సిపల్ ఎన్నికలు పూర్తయ్యాక మళ్లీ పనులు పూర్తిగా ఆగిపోయాయి&period; ప్రస్తుతం రోడ్డుపై వేసిన కూల్ మిక్స్ కూడా ఊడిపోవడంతో గుంతలు మరింత ప్రమాదకరంగా మారాయి&period; వర్షం పడితే బురద&comma; ఎండపడితే దుమ్ముతో ప్రయాణికులు నరకయాతన అనుభవిస్తున్నారు&period; అధికారులు&comma; ప్రజాప్రతినిధులు నిర్లక్ష్యంగా వ్యవహరిస్తున్నారని స్థానికులు తీవ్ర ఆగ్రహం వ్యక్తం చేస్తున్నారు&period;<&sol;p>&NewLine;<p>&nbsp&semi;<&sol;p>&NewLine;<p>మోత్కూరు నుంచి భువనగిరి జిల్లా కేంద్రానికి వెళ్లేందుకు ఇదే ప్రధాన మార్గం కావడంతో ప్రజలు తప్పనిసరిగా ఈ రహదారినే వినియోగించాల్సి వస్తోంది&period; అయితే రోడ్డంతా గుంతలతో నిండిపోవడంతో ద్విచక్ర వాహనదారులు ప్రాణాలను అరచేతిలో పెట్టుకుని ప్రయాణిస్తున్నారు&period; వాహనాలు వెళ్లే సమయంలో లేచే దుమ్ము&comma; ధూళితో ఒక చేత్తో ముక్కు మూసుకుని మరో చేత్తో వాహనాన్ని నడపాల్సిన పరిస్థితి ఏర్పడింది&period; చిన్నపిల్లలు&comma; వృద్ధులు&comma; గర్భిణీలు తీవ్ర ఇబ్బందులు ఎదుర్కొంటున్నారు&period; రహదారి మరమ్మతుల పేరుతో పనులు మొదలుపెట్టి మధ్యలో వదిలేయడం ప్రజలను మరింత నిరాశకు గురిచేస్తోంది&period; ఎన్నికల ముందు ఓట్ల కోసం మాత్రమే పనులు ప్రారంభించి&comma; ఎన్నికల తర్వాత వాటిని పట్టించుకోకపోవడం బాధాకరమని స్థానికులు అంటున్నారు&period; ఇప్పటికైనా సంబంధిత అధికారులు స్పందించి&comma; అసంపూర్తిగా ఆగిపోయిన రోడ్డు పనులను వెంటనే పూర్తి చేసి ప్రజల ప్రాణాలను కాపాడాలని ప్రయాణికులు&comma; స్థానికులు డిమాండ్ చేస్తున్నారు&period;<&sol;p>&NewLine;