కంటోన్మెంట్ లో కాంగ్రెస్ జెండా ఎగురవేస్తాం

కంటోన్మెంట్ లో కాంగ్రెస్ జెండా ఎగురవేస్తామని డాక్టర్ వెన్నెల ధీమా వ్యక్తం చేశారు. కాంగ్రెస్ పార్టీ అభ్యర్థిగా ప్రజా నౌక,ప్రజా గాయకుడు గద్దర్ కుమార్తె డాక్టర్ వెన్నెలకు టికెట్ కేటాయించారు. ఈ నేపథ్యంలో కంటోన్మెంట్ కాంగ్రెస్ నాయకులు,గద్దర్ అభిమానులు,కళాకారులు వెన్నెల ఇంటికి వెళ్లి అభినందనలు తెలియజేశారు. ఈ సందర్భంగా వెన్నెల మీడియాతో మాట్లాడారు. నాపై నమ్మకం ఉంచి కాంగ్రెస్ టికెట్ కేటాయించిన సోనియా,రాహుల్ ,రేవంత్ తదితరులకు ప్రత్యేక కృతజ్ఞతలు తెలియజేశారు కాంగ్రెస్ పార్టీ మేనిఫెస్టోను ప్రజలకు వివరిస్తూ ప్రచారం చేస్తానని అన్నారు. గద్దర్ బిడ్డ గా ముందుకెళ్తానని, భారీ మెజారిటీ తో గెలుస్తానని ధీమా వ్యక్తం చేశారు.