గుర్తు తెలియని వాహనం ఢీకొని కామారెడ్డి జిల్లాలో చిరుత మృతి చెందింది. సదాశివనగర్ మండలం కల్వరాల్ అటవీ ప్రాంతంలో వాహనం ఢీకొట్టడంతో రోడ్డు దాటుతున్న చిరుతపులి అక్కడికక్కడే మృతి చెందింది. స్థానికులు గమనించి ఫారెస్ట్ అధికారులకు సమాచారం ఇవ్వడంతో అటవీ అధికారులు సంఘటనా స్థలానికి చేరుకుని చిరుతను పోస్ట్ మార్టం నిమిత్తం కామారెడ్డి జిల్లా రేంజ్ కార్యాలయానికి తరలించారు. మృతి చెందిన చిరుత సుమారు రెండు సంవత్సరాల వయస్సు గల ఆడ చిరుతగా గుర్తించినట్లు కామారెడ్డి ఫారెస్ట్ రేంజ్ అధికారి రమేష్ తెలిపారు. నీరు త్రాగడానికి చిరుత రోడ్డు దాటుతుండగా ప్రమాదం జరిగినట్లు తెలుస్తోందని తెలిపారు.
