పశ్చిమగోదావరి జిల్లా నర్సాపురంలో ఈ నెల 26 నుంచి ప్రారంభమయ్యే ఆడదాం ఆంధ్ర కార్యక్రమాన్ని విజయవంతం చేయాలని కోరుతూ పురపాలక సంఘం ఆధ్వర్యంలో పట్టణంలో 2K రన్ నిర్వహించారు. మున్సిపల్ కార్యాలయం నుంచి ప్రారంభమైన ఈ రన్ లో పట్టణంలోని పలు కళాశాల విద్యార్థులు, వాలంటరీలు మున్సిపల్ సిబ్బంది తో పాటు కౌన్సిలర్లు పాల్గొన్నారు. కమిషనర్ వెంకటేశ్వర్లు మాట్లాడుతూ క్రీడల్లో రాణించే యువతకు ఉజ్జల భవిష్యత్తు ఉంటుందన్నారు. చైర్ పర్సన్ వెంకటరమణ జెండా ఊపి రన్ ప్రారంభించి మాట్లాడుతూ చదువుతోపాటు క్రీడల్లో కూడా యువత రాణించాలన్న మంచి లక్ష్యంతో ప్రభుత్వం ఆడదాం ఆంధ్ర కార్యక్రమానికి శ్రీకారం చుట్టడం అభినందనీయమన్నారు.
