కోకో పౌడర్‌లో ఆరోగ్య ఉపయోగాలు

కోకో పౌడర్‌ను కేక్ తయారీలోనూ, చాక్లెట్స్ ల తయారీలోనూ ఎక్కువగా ఉపయోగిస్తుంటారు. కోకో పౌడర్ టేస్ట్‌లో చాలా చేదుగా ఉంటుంది. కోకో పౌడర్‌లో ఫ్లేవనాయిడ్స్ పుష్కలంగా ఉంటాయి. ఇవి శక్తివంతమైన యాంటీఆక్సిడెంట్లగా పనిచేస్తాయి. ఇది హానికరమైన ఫ్రీ రాడికల్స్ నుంచి శరీరాన్ని రక్షించడానికి సహాయపడుతుంది. కోకో పౌడర్ తరచు మన డైట్‌లో తీసుకోవడం వల్ల హైపర్‌టెన్షన్‌ తగ్గుతుందని అధ్యయనాలు చెబుతున్నాయి. హైపర్‌టెన్షన్‌ పేషెంట్స్‌ కోకో పౌడర్‌ తీసుకుంటే మేలు జరగుతుంది. కోకో పౌడర్‌లో ఉండే ఫ్లేవనాయిడ్‌లు రక్త ప్రవాహాన్ని మెరుగుపరుస్తాయి. శరీరంలో మంటను తగ్గిస్తాయి. తద్వారా గుండె ఆరోగ్యానికి మేలు చేస్తుంది. గుండె సమస్యలు రాకుండా రక్షిస్తుంది. కోకో పౌడర్‌లో కనిపించే ఫ్లేవనోల్స్ జ్ఞాపకశక్తిని మెరుగుపరుస్తుంది. అభిజ్ఞా సామర్థ్యాలతో సహా మెరుగైన మెదడు పనితీరును ప్రోత్సహిస్తుంది. కోకో పౌడర్‌లో కేలరీలు తక్కువగా ఉంటాయి, ఫైబర్ అధికంగా ఉంటుంది. ఇది బరువును తగ్గించడానికి, కంట్రోల్‌లో ఉంచుకోవడానికి ఇది సహాయపడుతుంది. కోకో పౌడర్‌లోని అధిక ఫైబర్ కంటెంట్ ఆరోగ్యకరమైన జీర్ణక్రియను ప్రోత్సహించడానికి సహాయపడుతుంది. మలబద్ధకం సమస్య ఉన్నవారికి ఇది మేలు చేస్తుంది. కోకో పౌడర్‌లోని ఫ్లేవనాయిడ్లు చర్మానికి రక్త ప్రవాహాన్ని మెరుగుపరుస్తాయి. కోకో పౌడర్‌లోని యాంటీఆక్సిడెంట్లు, యాంటీ ఇన్‌ఫ్లమేటరీ గుణాలు పుష్కలంగా ఉన్నాయి. ఇవి శరీరంలో మంటను తగ్గించడానికి, ఇన్‌ఫ్లమేటరీ పరిస్థితుల లక్షణాలను తగ్గించడానికి తోడ్పడుతుంది.