హైదరాబాద్ పాతబస్తీలో ఐటీ సోదాలు జరిగాయి. బడా వ్యాపారులే టార్గెట్ గా ఐటీ దాడులు నిర్వహించారు. సోదాలలో భాగంగా కింగ్స్ ప్యాలెస్ యజమాని ఇంట్లో సోదాలు నిర్వహించారు. కోహినూర్ గ్రూప్స్ ఎండీ మజీద్‌ఖాన్ ఇళ్లు, కార్యలయాల్లో విస్తృతంగా తనిఖీలు జరిపారు. కోహినూర్, కింగ్స్ గ్రూపుల పేరుతో ఫంక్షన్ హాల్స్, హోటల్స్ నిర్వహిస్తున్నారు. షాన్వాజ్ ఇళ్లు, ఆఫీసులపై ఐటీ అధికారులు దాడులు నిర్వహించారు. ఏకకాలంలో ఫలక్ నామా, శాస్ర్తీపురంలో సోదాలు జరిగాయి. ఓ రాజకీయ పార్టీకి పెద్ద మొత్తంలో డబ్బులు సమకూర్చుతున్నట్లు అనుమానం రావడంతో దాడులు జరిపారు.
