ఎన్నికలలో నామినేషన్ దాఖలు చేసిన సత్యనారాయణ..

అసెంబ్లీ ఎన్నికలలో స్వతంత్ర అభ్యర్థిగా నామినేషన్ దాఖలు చేసిన మాజీ ఎమ్మెల్యే సోమారపు సత్యనారాయణ తెలంగాణ రాష్ట్రంలో జరుగుతున్న సార్వత్రిక ఎన్నికలలో భాగంగా రామగుండం నియోజకవర్గానికి సంబంధించి మాజీ ఎమ్మెల్యే సోమారపు సత్యనారాయణ నామినేషన్ దాఖలు చేశారు. ఈ మేరకు రామగుండం నియోజకవర్గ రిటర్నింగ్ అధికారి అరుణ శ్రీ కి నామినేషన్ పత్రాలను అందజేశారు. ఈ సందర్భంగా సోమారపు సత్యనారాయణ మాట్లాడుతూ రామగుండం నియోజకవర్గంలో రెండుసార్లు ఎమ్మెల్యేగా పనిచేసి ఈ ప్రాంత అభివృద్ధికి తాను ఎంతో కృషి చేసినట్లు తెలిపారు. రామగుండం మరింత అభివృద్ధి చెందాలంటే తనను గెలిపించాలని కోరారు. ప్రధాన పక్షాలు ప్రజలను మోసం చేస్తూ గెలవాలని చూస్తున్నారని విమర్శించారు. అంతకుముందు గోదావరిఖని పట్టణంలోని ఫైవ్ ఇంక్లైన్ పార్క్ నుండి భారీ బైక్ ర్యాలీ నిర్వహించారు. ఈ ర్యాలీ పట్టణంలోని లక్ష్మీ నగర్, కళ్యాణ్ నగర్, అడ్డగుంటపల్లి, గౌతమి నగర్ మీదుగా సాగింది.