62
కాంగ్రెస్‌ పార్లమెంట్ అభ్యర్థుల మూడో జాబితా విడుదలైంది. కాసేపటి క్రితం హైకమాండ్ అధికారికంగా 57 మందితో జాబితా రిలీజ్ చేసింది. ఇందులో తెలంగాణలోని ఐదు పార్లమెంట్ నియోజకవర్గాలకు అభ్యర్థులను ప్రకటించారు. పెద్దపల్లి నుంచి వంశీకృష్ణ, మల్కాజిగిరి – సునీతా మహేందర్ రెడ్డి, సికింద్రాబాద్ – దానం నాగేందర్, చేవెళ్ల – రంజిత్ రెడ్డి, నాగర్ కర్నూలు – మల్లు రవిని ఖరారు చేశారు. ఇప్పటికే దాదాపు 10కి పైగా స్థానాలకు అభ్యర్థులను అధిష్టానం ప్రకటించింది. అనూహ్యంగా ఈ జాబితాలో ముగ్గురు ఇటీవల బీఆర్ఎస్‌ నుంచి కాంగ్రెస్‌లో చేరిన వారే ఉండటం ఆసక్తిగా మారింది. చేవెళ్ల టికెట్ రంజిత్ రెడ్డికి, మల్కాజిగిరి టికెట్ సునీతా మహేందర్ రెడ్డి, సికింద్రాబాద్ టికెట్ దానం నాగేందర్‌కు కేటాయించడం చర్చనీయాంశంగా మారింది.