సిద్దిపేట జిల్లా గజ్వేల్ ఏసిపి ఏ. బాలాజీ, కుకునూరు పల్లి పోలీస్ స్టేషన్ లో ఏర్పాటు చేసిన ప్రెస్ మీట్ లో వివరాలు తెలియపరుస్తూ
నిందితుల వివరాలు
- గంగులోత్ చంద్రశేఖర్ తండ్రి బాలు, వయస్సు 23 సంవత్సరాలు, గ్రామం కొండాపూర్, మండలం దూల్మిట్ట, జిల్లా సిద్దిపేట.
- అగుళ్ల శ్రీనివాస్ తండ్రి పోచయ్య, వయస్సు 36 సంవత్సరాలు, గ్రామం & మండలం కేశవపట్నం, జిల్లా కరీంనగర్.
- కడారి జలంధర్ తండ్రి పాపయ్య, వయస్సు 34 సంవత్సరాలు, గ్రామం & మండలం హుజురాబాద్, జిల్లా కరీంనగర్.
ఫిర్యాది చిట్టబోయిన బాబు తండ్రి పోచయ్య గ్రామం చిన్నకోడూర్ అతను వెలికట్ట గ్రామ శివారు శ్రీ సిద్ధి రియల్ ఎస్టేట్ వెంచర్లు తేదీ: 19-02-2024 నాడు సాయంత్రం తన యొక్క ఫ్లాట్ దగ్గరికి వెళ్లి చూడగా ఎవరో గుర్తుతెలియని వ్యక్తులు కరెంటు పోల్స్ కు ఉన్న అల్యూమినియం వైర్ ను కట్ చేసి దొంగలించుకుని పోయినారని పోలీస్ స్టేషన్లో దరఖాస్తు ఇవ్వగా కేసు నమోదు చేసి పరిశోధన ప్రారంభించడం జరిగింది.
Follow us on : Facebook, Instagram & YouTube.
కేసు పరిశోధనలో భాగంగా ఈరోజు ఉదయం 6 గంటల సమయంలో వెలికట్టే X రోడ్డు వద్ద తొగుట సిఐ లతీఫ్, కుకునూరుపల్లి ఎస్ఐ శ్రీనివాస్, సిబ్బందితో కలసి వాహనాలు తనిఖీ చేయుచుండగా పై ముగ్గురు నిందితులు ఆటో TS02UA-8364 గల దానిలో అల్యూమినియం వైర్ వేసుకొని వెళ్ళుచుండగా అనుమానంతో ముగ్గురు నిందితులను పట్టుకుని విచారించగా అల్యూమినియం వైర్ దొంగలించినామని ఒప్పుకున్నారు.
పై ముగ్గురు నిందితుల్ని అదుపులోకి తీసుకొని ఎక్కడెక్కడ ఏ దొంగతనాలు చేసినారని విచారించగా ముద్దాయి గంగులోత్ చంద్రశేఖర్ గత కొన్ని రోజుల క్రితం నూతనంగా నిర్మించే ఇండ్లలో కరెంటు వైర్ ఫిటింగ్ చేస్తూ జీవించేవాడు. వచ్చే డబ్బులు తన యొక్క జల్సాలకు సరిపోనందున నూతనంగా ఏర్పాటు చేసిన వెంచర్ల వద్ద కరెంటు అల్యూమినియం వైర్ దొంగలించి అమ్ముతే ఎక్కువ డబ్బులు వస్తాయని నిర్ధారించుకొని తన స్నేహితులు అగుళ్ళ శ్రీనివాస్, కడారి జలంధర్ కు ఈ విషయము తెలియపరచగా వారు కూడా ఒప్పుకున్నారు. ముగ్గురు కలిసి కరెంట్ అల్యూమినియం వైర్ దొంగతనం చేద్దామని అమ్మితే వచ్చే డబ్బులతో జల్సాలు చేయవచ్చని నిర్ణయించుకుని.
గుగులోత్ చంద్రశేఖర్ తన మోటార్ సైకిల్ నెంబర్ TS36N-2771 పైన ఎక్కడెక్కడ నూతనంగా నిర్మించిన వెంచర్లు ఉన్నాయో చూస్తూ ఉండేవాడు తరువాత ముగ్గురు కలిసి ప్రజ్ఞాపూర్ రింగ్ రోడ్డు వద్ద ఉన్న వెంచర్లో అల్యూమినియం వైర్ కట్టర్ తో కట్ చేసి ఆటోలో వేసుకుని వెళ్ళినారు. వారం రోజుల క్రితం ప్రజ్ఞాపూర్ రింగ్ రోడ్డు వద్ద ఉన్న వెంచర్లో కరెంటు కనెక్షన్ లేనిది గమనించి కట్టర్ తో కరెంటు స్తంభాలకు కల అల్యూమినియం వైరు కత్తిరించుకుని ఆటోలో వేసుకుని వెళ్లి జల్సాలకు డబ్బులు లేనందున అమ్ముదామని నిర్ణయించుకుని ప్రజ్ఞాపూర్ స్క్రాప్ దుకాణం యజమాని చేపట్టి వెంకటేష్ వద్దకు వెళ్లి అల్యూమినియం వైర్ అమ్మి వచ్చిన డబ్బులతో జల్సాలకు ఖర్చు పెట్టుకున్నారు.
మరో వారం రోజుల క్రితం ఆటో మోటార్ సైకిల్ పై వెళ్ళచ్చు కుకునూరు పల్లి మండలంలోని తిప్పారం వెళ్లే దారిలో నూతనంగా నిర్మించిన వెంచర్లో కరెంటు అల్యూమినియం వైరు దొంగలించుకొని అటోలో వేసుకొని వెళ్ళినారు. మరో నాలుగు రోజుల క్రితం మెదినిపూర్ గ్రామ శివారులో ఉన్న నూతన వెంచర్లో కరెంటు అల్యూమినియం వైర్ కట్టర్ తో కట్ చేసుకుని ఆటోలో వేసుకొని వెళ్లి సిద్దిపేట మనిషిసింగ్ స్క్రాప్ దుకాణం యజమాని అల్యూమినియం వైరు అమ్మి వచ్చిన డబ్బులు జల్సాలకు ఖర్చు చేసుకున్నారు.
తదనంతరం కుకునూరు పల్లి మండలం వెలికట్ట గ్రామ శివారులో ఉన్న వెంచర్లో కరెంటు అల్యూమినియం వైర్ దొంగలించారు. తరువాత ఎల్కతుర్తి గ్రామ శివారులో నూతనంగా ఏర్పాటు చేసిన వెంచర్లో కరెంట్ అల్యూమినియం వైర్ కట్ చేసి ఆటోలో వేసుకున్నారు. తరువాత మానకొండూర్ గ్రామ శివారులో రైతు వ్యవసాయ పొలాలు ట్రాన్స్ఫారం వద్ద కరెంటు పోల్స్ కు ఉన్న అల్యూమినియం వైర్లు కట్ చేసుకుని ఆటోలో వేసుకుని అల్యూమినియం వైర్ అమ్మడానికి ఈరోజు ప్రజ్ఞాపూర్ కు వెళ్లుచుండగా పోలీసులు పట్టుకొని 1280 కేజీల అల్యూమినియం కండక్టర్ వైర్, ఒక ఆటో, ఒక మోటార్ సైకిల్, రికవరీ చేసి పై నిందితులను కుకునూరుపల్లి ఎస్ఐ శ్రీనివాస్ అరెస్టు చేసి జ్యుడిషియల్ రిమాండ్ కు పంపించడం జరుగుతుంది. కేసు విచారణ కొనసాగుతుంది.
ఇది చదవండి:
ఇది చదవండి: రాజమండ్రి ఎంపీ భరత్ ఆసక్తికర వ్యాఖ్యలు