పాతబస్తీలో దారుణ హత్య

హైదరాబాద్‌ పాతబస్తీలో దారుణ హత్య జరిగింది. ఐఎస్‌ సదన్‌ పోలీస్‌ స్టేషన్‌ పరిధిలోని రామచంద్రనగర్‌లో రియల్‌ ఎస్టేట్‌ వ్యాపారి తారిక్‌ అలీ అలియాస్‌ బాబా ఖాన్‌ ను గుర్తు తెలియని వ్యక్తులు హత్య చేశారు. నిన్న అర్ధరాత్రి సమయంలో ఇంటి బయట కూర్చున్న బాబా ఖాన్ పై దాడి చేసి విచక్షణా రహితంగా పలుచోట్ల కత్తులతో పొడిచారు. దీంతో బాబా ఖాన్ కు తీవ్ర రక్తస్రావమై సంఘటనా స్థలంలోనే మృతి చెందాడు. రక్తపు మడుగులో పడి ఉన్న ఆ వ్యక్తిని చూసి స్థానికులు పోలీసులకు సమాచారాన్ని అందించారు.