ఏపీలో ఎన్నికలు సమీపిస్తున్న వేళ వైసీపీలో సమీకరణాలు రోజురోజుకి మారుతున్నాయి. కొంతమంది సిట్టింగ్ ఎమ్మెల్యేలకి వైసీపీ అధిష్టానం టికెట్ నిరాకరించడంతో బహిరంగంగానే సీఎం జగన్ ని విమర్శిస్తున్నారు. కొద్దిరోజుల క్రితమే పెనమలూరు ఎమ్మెల్యే పార్ధసారధి బహిరంగ సభ వేధికగా తన అసంతృప్తిని వ్యక్తం చేశారు. పార్ధసారధి వ్యాఖ్యలను పరిగణలోకి తీసుకున్న వైసీపీ సీఎంవోకి పిలిపించి మాట్లాడిన టికెట్ విషయంలో క్లారిటీ ఇవ్వకపోవడంతో అసంతృప్తితోనే వెనుతిరిగారు. అయితే ఈ సంధర్భంగా రాజ్యసభ ఏంపీ అయోద్యరామి రెడ్డి, పార్దసారధి కార్యలయానికి వెళ్లి అరగంట పాటు చర్చించిన టికెట్ విషయంలో క్లారిటీ రాలేదనే విషయం తెలుస్తుంది. దీనితో పార్దసారధి వైసీపీని వీడుతారనే ప్రచారం జోరుగా సాగుతుంది.
