ఎంపీ భరత్ వ్యాఖ్యలు (MP Bharath Comments):
రాజమండ్రి జనసేన నాయకుడు కందుల దుర్గేష్ మంచి నేత అని, జనసేన అధినేత పవన్ ఆయనకు టికెట్ కన్ఫార్మ్ చేసిన చంద్రబాబు అడ్డుపడటం శోచనీయమని రాజమండ్రి ఎంపీ భరత్ అన్నారు. మంగళవారం ఎంపీ భరత్ ను మీడియా అడిగిన ఒక ప్రశ్నకు బదులిస్తూ ఆయనే (కందుల) కనుక తమ వైఎస్సార్ సీపీలో మొదటి నుండీ ఉండి ఉంటే ఈ పాటికి ఎమ్మెల్యే అయ్యేవారన్నారు. కందుల దుర్గేష్ ను మీ వైసీపీ ఆహ్వానిస్తుందా అని మరో విలేఖరి అడిగిన ప్రశ్నకు సమర్థతగల నాయకుడిని ఎవరైనా ఆహ్వానిస్తారని.. అయినా ఆ విషయం అధిష్టానం తీసుకోవాల్సిన నిర్ణయమన్నారు. ఇదే సందర్భంలో రాజమండ్రి అర్బన్ ఎమ్మెల్యే కూడా మంచివారేనని.. కానీ ఆమె ప్రజలకు అందుబాటులో లేకపోవడం దురదృష్టకరం అన్నారు. మనపై నమ్మకంతో ఓట్లేసి గెలిపిస్తే.. వారికి అందుబాటులో లేకపోతే ఎలా అన్నారు. ప్రజాప్రతినిధిగా ప్రజావసరాలు, సమస్యలు తీర్చవలసిన ఎమ్మెల్యే కనిపించకపోతే ఆమెపై ఉన్న సదభిప్రాయం పోతుందన్నారు.
Follow us on : Facebook, Instagram & YouTube.
ఇది చదవండి: 161 వ జాతీయ రహదారిపై ఘోర రోడ్డు ప్రమాదం
మరిన్ని తాజా వార్తల కోసం ఇక్కడ క్లిక్ చేయండి.