వేములవాడలో రోడ్డు ప్రమాదం…

రాజన్న సిరిసిల్ల జిల్లా వేములవాడ పట్టణంలోని మొదటి బైపాస్ రోడ్డు (ఎన్ఐసీ ఆఫీస్) వద్ద సోమవారం కారు బోల్తా కొట్టింది. కారులో ప్రయాణిస్తున్న ఇద్దరికీ స్వల్ప గాయాలు అయ్యాయి. లారీ కారును ఓవర్ టేక్ చేయడంతో కారు బోల్తా కొట్టినట్లు స్థానికులు చెబుతున్నారు. గాయపడ్డ వారు గంగాధరకు చెందిన వారిగా గుర్తించారు. ప్రాణాపాయం తప్పడంతో స్థానికులు ఊపిరి పీల్చుకున్నారు. ఘటన స్థలానికి పట్టణ సీఐ కరుణాకర్ చేరుకుని దర్యాప్తు చేపట్టారు.