పల్నాడు జిల్లా గురజాలలో అంగన్వాడీలకు జీతాలు పెంపు పై ప్రభుత్వంతో చర్చలు విఫలం కావడంతో నేటి నుంచి అన్ని అంగన్వాడీ సెంటర్ల మూసివేసి ఆందోళన కార్యక్రమం చేపట్టారు. ముందుగా స్థానిక ప్రాజెక్ట్ కార్యాలయం వద్ద నుండి గురజాల రెవిన్యూ డివిజన్ కార్యాలయం వద్దకు చేరుకుని ఆర్డీవో కార్యాలయం వద్ద ఆందోళన నిర్వహించారు. అనంతరం వారు మీడియాతో మాట్లాడుతూ తమ జీతాలు వెంటనే పెంచాలంటూ ప్రభుత్వాన్ని డిమాండ్ చేసారు. ముఖ్యంగా ప్రభుత్వం అధికారంలోకి రాగానే తెలంగాణ రాష్ట్రం కంటే ఎక్కువగా జీతం ఇస్తామని హామీ ఇచ్చారని , కానీ ఇంత వరకు జీతాలు పెంచలేదని వారు ఆవేదన వ్యక్తం చేస్తున్నారు. ఇప్పటికైనా ప్రభుత్వం వెంటనే స్పందించి మా డిమాండ్లను పరిష్కరించాలని లేకపోతే ఈ సమ్మెను కొనసాగిస్తామని వారు హెచ్చరించారు.