టీడీపీ అధినేత చంద్రబాబుపై మంత్రి చెల్లుబోయిన వేణు గోపాల్ సంచలన కామెంట్స్ చేశారు. రా కదిలి రా సభ ఎందుకు పెడుతున్నారో అర్థం కావడం లేదన్నారు. చంద్రబాబు మానసిక స్థితిని కోల్పోయి మాట్లాడుతున్నారన్నారు. ఏ ప్రాంతానికి వెళ్లిన వాళ్ళ రాసిన స్క్రిప్ట్ చదువుతున్నాడంటూ విమర్శలు చేశారు. ఆ చదవడంలో కూడా వయస్సు పెరిగిపోవడం వల్ల తడబడుతున్నాడన్నారు. ప్రజలను బానిసలుగా చేయాలనే తత్వం చంద్రబాబు అని అన్నారు. సైకో లక్షణాలు ఆయన దగ్గరనే కనిపిస్తున్నాయన్నారు. రాష్ట్రాన్ని ప్రత్యేక ప్యాకేజీ కోసం తాకట్టు పెట్టారని ఆరోపించారు. రాజకీయాల్లో విలవలు లేని చంద్రబాబుకు అమ్మాయిలపైన జరిగే హింసలపై మాట్లాడే నైతిక హక్కు ఎక్కడుందన్నారు.
