బాపట్ల జిల్లా చుండూరు మండలం ఆలపాడు గ్రామంలో జనసేన నేతలతో కలిసి టీడీపీ నేతలు పర్యటింటారు. మాజీ మంత్రి నక్కా ఆనంద బాబు, వేమూరు నియోజకవర్గం జనసేన సమన్వయ కర్త ఉషా రాజేష్ తో కలిసి బాబు షూరిటీ-భవిష్యత్తుకు గ్యారెంటీ పేరుతో రూపొందించిన మినీ మ్యానిపెస్టోపై ప్రజల్లో అవగాహన కల్పించారు. ఇంటింటికి వెళ్లి మహిళలు, యువతతో మాట్లాడి సమస్యలను తెలుసుకున్నారు. గ్రామంలో మినీ మేనిఫెస్టో కరపత్రాలను అందజేసారు. టీడీపీ అధికారంలోకి వస్తే అమలు చేయబోయే సంక్షేమ పథకాలు మహాశక్తి, యువగళం, అన్నదాత, ఇంటింటికీ నీరు, పూర్ టు రిచ్, బీసీ రక్షణ చట్టం గురించి వివరించారు. చంద్రబాబు ఒక విజన్ ఉన్న నాయకుడని.. రాష్ట్ర భవిష్యత్తు బాగుండాలంటే చంద్రబాబు మళ్లీ సీఎం కావాలని పిలుపునిచ్చారు. వచ్చే ఎన్నికల్లో టీడీపీ గెలుపు అత్యవసరమన్నారు.
Total views : 90705