ఉమ్మడి అనంతపురం జిల్లాలో ఐదు రోజుల పర్యటనలో భాగంగా పుట్టపర్తి విమానాశ్రయానికి విచ్చేసిన టిడిపి జాతీయ ప్రధాన కార్యదర్శి నారా లోకేష్ కు టిడిపి జిల్లా అధ్యక్షుడు బీకే పార్థసారథి మాజీ మంత్రి పల్లె రఘునాథ్ రెడ్డి, కందికుంట వెంకటప్రసాద్ టిడిపి ముఖ్య నేతలు ఘన స్వాగతం పలికారు. పుట్టపర్తి విమానాశ్రయం నుంచి రోడ్డు మార్గాన నారా లోకేష్ హిందూపురం బయలుదేరి వెళ్లారు. హిందూపురంలో ఎమ్మెల్యే బాలకృష్ణ అతిధి గృహంలో బస చేయనున్న నారా లోకేష్ గురువారం ఉదయం హిందూపురం జిటిఎం లే అవుట్, లోటస్ పబ్లిక్ స్కూలు దగ్గర ఏర్పాటుచేసిన కార్యక్రమంలో పాల్గొంటారు. బాబు ష్యూరిటీ భవిష్యత్తుకు గ్యారంటీ, మన టిడిపి యాప్ లో ప్రతిభ కనబర్చిన వారికి లోకేష్ అభినందనలు తెలియజేయునన్నారు. పదిన్నర గంటలకు శంఖారావం సభలో పాల్గొని ప్రసంగించనున్నారు. 10:56 నిమిషాలకు పార్టీ నాయకులతో ముఖాముఖి కార్యక్రమం నిర్వహించనున్నారు. 11.26 పార్టీ కేడర్ కు లోకేష్ చేతులమీదుగా సూపర్ – 6 కిట్లను అందజేయనున్నారు. మధ్యాహ్నం 12 గంటలకు చేరుకుంటారు. భోజన విరామం అనంతరం మధ్యాహ్నం మూడు గంటలకు శంఖారావం సభలో పాల్గొని ప్రసంగించనున్నారు. ఐదు గంటలకు పెనుగొండకు చేరుకుని ఐదున్నర గంటలకు శంఖారావం సభలో ప్రసంగించనున్నారు. 6 గంటలకు పార్టీ నాయకులతో ముఖాముఖి కార్యక్రమం నిర్వహించనున్నారు. ఆరున్నర గంటలకు రోడ్డు మార్గాన పుట్టపర్తికి బయలుదేరి వెళ్లి రాత్రికి అక్కడే బస చేయనున్నారు.