మార్కెట్‍లోకి దూసుకొస్తున్న వన్ ప్లస్ 12 ఫోన్

వన్ ప్లస్ గ్లోబల్ మార్కెట్లలో వన్ ప్లస్ 12 లాంచ్ తేదీని ప్రకటించింది. డిసెంబర్ 5న చైనాలో లాంచ్ అయిన వన్ ప్లస్ 12 జనవరి 23, 2024న భారతదేశంతో సహా అంతర్జాతీయ మార్కెట్‌లలో అందుబాటులోకి రానుంది. ఈ నెల ప్రారంభంలో, స్మార్ట్‌ఫోన్‌ల కోసం జనవరి 23 గ్లోబల్ లాంచ్ తేదీని కూడా కంపెనీ ఎగ్జిక్యూటివ్ వెల్లడించారు. ఎక్స్ లో పోస్ట్ చేశారు. చైనీస్ తయారీదారు జనవరి 23 రాత్రి 7.30 గంటలు వన్ ప్లస్ 12 లాంచ్ చేయనున్నట్లు పేర్కొన్నారు. వన్‌ప్లస్ 12ఆర్ ధరలను కూడా ఈ వెంట్‌లో వెల్లడించే అవకాశం ఉంది. వన్ ప్లస్ 12 సిరీస్ లాంచ్ కోసం మైక్రోసైట్ కూడా కంపెనీ వెబ్‌సైట్‌లో ప్రత్యక్ష ప్రసారం చేయనుంది. వన్ ప్లస్ ఆసక్తి గల కస్టమర్‌లకు ఈవెంట్‌కు సభ్యత్వం పొందడం ద్వారా ఉచిత వన్ ప్లస్ 12, వన్ ప్లస్ 12R గెలుచుకునే అవకాశాన్ని కూడా అందిస్తోంది. వన్ ప్లస్ 12 డిసెంబర్ 5న చైనాలో అందుబాటులోకి తెచ్చారు. క్వాల్ కమ్ సరికొత్త స్నాప్‌డ్రాగన్ 8 Gen 3 SoC, 100W వైర్డు SuperVOOC ఛార్జింగ్ సపోర్ట్‌తో 5,400mAh బ్యాటరీని కలిగి ఉంది. స్నాప్‌డ్రాగన్ ప్రాసెసర్ గరిష్టంగా 24GB వరకు LPDDR5X RAM, 1TB వరకు స్టోరీతో వస్తుంది. వన్ ప్లస్ 11 సక్సెసర్ 6.82-అంగుళాల క్వాడ్-HD+ డిస్ ప్లే, ఫాంట్ 64-మెగాపిక్సెల్ టెలిఫోటో కెమెరా, 48-మెగాపిక్సెల్ అల్ట్రా-వైడ్-యాంగిల్ లెన్స్‌ను కూడా కలిగి ఉంది. ముందు భాగంలో వన్ ప్లస్ 12 సెల్ఫీలు, వీడియో కాలింగ్ కోసం 32-మెగాపిక్సెల్‌ని కలిగి ఉంది. వన్ ప్లస్ 12 చైనాలో బేస్ 12GB+256GB RAM సుమారు రూ. 50,700గా ఉంది. 16GB+512GB, 16GB+1TB వేరియంట్‌ల ధర వరుసగా దాదాపు రూ. 56,600, రూ. 62,500 గా ఉన్నాయి.