వివాదంలో చిక్కుకున్న ఎమ్మెల్యే గోపినాథ్..

జూబ్లీహిల్స్ బీఆర్ఎస్ పార్టీ ఎమ్మెల్యే మాగంటి గోపినాథ్ వివాదంలో చిక్కుకున్నారు. గూండాలతో ఎమ్మెల్యే తనపై దాడి చేశారని రహమత్ నగర్ కాంగ్రెస్ నాయకుడు వేముల యాదయ్య ఆరోపించారు. ఎన్నికలలో ఎమ్మెల్యే మాగంటి గోపీనాథ్ కు వ్యతిరేకంగా ప్రచారం చేసినందు వల్ల గుర్తు తెలియని వ్యక్తులు దాడి చేశారని వేముల యాదయ్య ఆరోపించారు. బోరబండ పోలీస్ స్టేషన్ లో ఎమ్మెల్యే అనుచరులపై యాదయ్య ఫిర్యాదు చేశారు. గత కొంతకాలంగా స్థానిక ఎమ్మెల్యేను వ్యతిరేకిస్తున్న వేముల యాదయ్య పై.. నిన్న రాత్రి గుర్తుతెలియని అగంతకులు దాడి చేశారు. ఈ దాడిలో వేముల యాదయ్య తీవ్ర గాయాలు పాలై ఆసుపత్రిలో చికిత్స పొందుతున్నారు.