రైతులకు పెట్టుబడి భారం తగ్గించి, వ్యవసాయాన్ని లాభసాటిగా మార్చడమే తమ ప్రభుత్వ లక్ష్యమన్నారు సీఎం రేవంత్ రెడ్డి. 30 నెలల ప్రజాపాలనలో రైతు తలెత్తుకునేలా పాలన అందిస్తున్నామన్నారు. వ్యవసాయం దండగ కాదని, పండుగగా భావించే పరిస్థితిని ప్రభుత్వం కల్పిస్తోందన్నారు. హైదరాబాద్ శిల్పకళా వేదికగా రైతు భరోసా నిధులను సీఎం విడుదల చేశారు. ధనిక రాష్ట్రాన్ని అప్పుల ఊబిలోకి నెట్టారని కేసీఆర్ పై మండిపడ్డారు. ‘బకాయిలు పెట్టింది బకాసురుడు… కట్టే పాపం మాకా?’ అంటూ గత బీఆర్ఎస్ ప్రభుత్వంపై మండిపడ్డారు.

వ్యవసాయాన్ని దండగ కాకుండా ఒక పండగలా మార్చడమే తమ ప్రభుత్వ ప్రధాన లక్ష్యమన్నారు సీఎం రేవంత్ రెడ్డి. తాము అధికారంలోకి వచ్చినప్పటి నుంచి రైతు సంక్షేమం కోసమే అంకితభావంతో కృషి చేస్తున్నామన్నారు. హైదరాబాద్‌ శిల్పకళా వేదిక సాక్షిగా డిప్యూటీ సీఎం భట్టి విక్రమార్క, మంత్రి తుమ్మల తో కలిసి ‘రైతు భరోసా’ నిధులను రేవంత్ రెడ్డి విడుదల చేశారు… SPOT

ఉమ్మడి ఆంధ్రప్రదేశ్ రాష్ట్రాన్ని సుమారు 19 మంది ముఖ్యమంత్రులు పరిపాలిస్తే, వారంతా కలిసి చేసిన మొత్తం అప్పు 60 వేల కోట్ల రూపాయలు మాత్రమేనని, కానీ కేసీఆర్ నేతృత్వంలోని గత ప్రభుత్వం ఏకంగా 8.11 లక్షల కోట్ల రూపాయల అప్పులు చేసి రాష్ట్రాన్ని అప్పుల ఊబిలో ముంచిందని రేవంత్ రెడ్డి మండిపడ్డారు.

ఆరు నెలల స్వల్ప వ్యవధిలోనే రాష్ట్రంలో 25 లక్షల మంది రైతులకు రూ.2 లక్షల లోపు రుణాలన్నింటినీ విజయవంతంగా మాఫీ చేశామన్నారు సీఎం రేవంత్ రెడ్డి. 22 వేల 600 కోట్లను నేరుగా రైతుల ఖాతాల్లో జమ చేశామని గర్వంగా ప్రకటించారు. వ్యవసాయానికి ఉచిత కరెంట్ ఇవ్వడం అనేది కాంగ్రెస్ పార్టీ పేటెంట్ హక్కు అన్నారు. కేవలం ఉచిత కరెంట్ కోసమే రూ.36 వేల కోట్లు చెల్లించామన్నారు. అలాగే వ్యవసాయ పనిముట్ల కోసం ఏటా వెయ్యి కోట్లు, రైతు బీమా ప్రీమియం కోసం ఏటా రూ.3,500 కోట్లు కేటాయిస్తున్నామన్నారు సీఎం రేవంత్ రెడ్డి

గత ప్రభుత్వం ఉద్యోగులకు జీతాలు, మధ్యాహ్న భోజనం డైట్ బిల్లులు, సర్పంచ్‌ల బిల్లుల బకాయిలు కూడా చెల్లించలేదని రేవంత్ ఆగ్రహం వ్యక్తం చేశారు. బిల్లులన్నింటినీ పెండింగ్‌లో పెట్టింది కేసీఆర్ అయితే, ఆ బద్నాం మరియు నిందలను మాత్రం ఇప్పుడు తాను మోయాల్సి వస్తోందన్నారు. గత పాలకుల విపరీతమైన అప్పుల కారణంగా ఢిల్లీలో సైతం తెలంగాణ పరువు పోయే పరిస్థితి దాపురించిందని విమర్శించారు.
లక్ష కోట్ల ప్రజాధనంతో కట్టిన కాళేశ్వరం కేవలం మూడేళ్లకే కూలిపోయి ‘కూలేశ్వరం’గా మారిందని రేవంత్ రెడ్డి విమర్శించారు.

ధనిక రాష్ట్రాన్ని అప్పుల కుప్పగా మార్చి, ప్రజలను మోసం చేసిన బీఆర్ఎస్ నేతలు ఇవాళ ఏ మొహం పెట్టుకుని మాట్లాడుతున్నారని డిప్యూటీ సీఎం భట్టి ప్రశ్నించారు. వానాకాలం పంటల పెట్టుబడికి ఎలాంటి ఢోకా లేకుండా నిధులను సిద్ధం చేసి, మొదటి రోజే 41 లక్షలకు పైగా రైతు కుటుంబాల అకౌంట్లలో వేల కోట్ల రూపాయలను జమ చేశామన్నారు. కాంగ్రెస్ ప్రభుత్వం ఇచ్చిన ప్రతి మాటను నిలబెట్టుకుంటుందని, అందులో భాగంగానే రానున్న కేవలం తొమ్మిది రోజుల్లోనే అర్హులైన రైతులందరి ఖాతాల్లోకి రైతు భరోసా నిధులను పూర్తిగా జమ చేస్తామన్నారు భట్టి విక్రమార్క.

బీఆర్ఎస్ పదేళ్ల పాలనతో పోలిస్తే మా ప్రభుత్వం రైతులకు పెట్టుబడి సాయాన్ని ఎక్కువగా ఇస్తోందన్నారు మంత్రి తుమ్మల. కొత్తగా పట్టాదార్ పాస్‌బుక్కులు పొంది, ఇంకా ఈ పథకానికి నమోదు కాని రైతులు ఎవరైనా ఉంటే ఎలాంటి ఆందోళన చెందాల్సిన అవసరం లేదన్నారు. అలాంటి రైతులు జూలై 5వ తేదీ లోగా తమ సమీప వ్యవసాయ విస్తరణ అధికారినికలిసి తమ బ్యాంక్ ఖాతా వివరాలను సమర్పిస్తే… వారికి కూడా నిధులు విడుదల అవుతాయన్నారు. విత్తనాలు, ఎరువుల కొరత లేకుండా పలు చర్యలు తీసుకుంటున్నట్లు మంత్రి తుమ్మల తెలిపారు.

ప్రజలకు ఏం చేశారని కేసీఆర్ మళ్లీ రావాలని అనుకుంటున్నారని బీఆర్ఎస్ నాయకులను సీఎం రేవంత్ రెడ్డి ప్రశ్నించారు. కేసీఆర్.. ఒక్కసారైనా రైతు రుణమాఫీని పూర్తి చేశారని అని ధ్వజమెత్తారు. దళితులకు మూడెకరాల భూమి ఇచ్చారా.. నిరుపేదలకు డబుల్ బెడ్ రూమ్ ఇళ్లు ఇచ్చారా అని ఫైర్ అయ్యారు. కానీ, ఊరూరికి మాత్రం బెల్ట్ షాపులు తెచ్చి తాగులు కల్చర్ తెచ్చాడంటూ సీఎం రేవంత్ రెడ్డి, కేసీఆర్‌పై ఓ రేంజ్‌లో సెటైర్లు వేశారు.

తెలంగాణ భవిష్యత్తు బీజేపీదేనని, రాష్ట్రంలో మార్పు తీసుకురావాలంటే ప్రజల గొంతుకగా మారాలని భారతీయ జనతా పార్టీ జాతీయ ప్రధాన కార్యదర్శి నితిన్ నబీన్ అన్నారు. ఘట్కేసర్ సర్కిల్ అంక్షాపూర్‌లో బీజేపీ రాష్ట్ర అధ్యక్షుడు ఎన్. రామచంద్రరావు అధ్యక్షతన నిర్వహించిన రాష్ట్ర కార్యవర్గ సమావేశానికి ముఖ్య అతిథిగా హాజరైన ఆయన తెలంగాణలో బీజేపీ భవిష్యత్తు ఉజ్వలంగా ఉందన్నారు. తెలంగాణ ఏర్పాటు సమయంలో ప్రజలు కన్న కలలను సాకారం చేసే దిశగా బీజేపీ పనిచేస్తోందని ఆయన పేర్కొన్నారు. తెలంగాణ ప్రభుత్వం ‘ఆర్ఆర్ పన్ను’ ద్వారా ఢిల్లీ దర్బార్‌కు నిధులు తరలిస్తోందని ఆరోపించారు. వీధుల నుంచి శాసనసభ వరకు ప్రభుత్వ వైఫల్యాలను ప్రజల్లోకి తీసుకెళ్తామని, ఈ ప్రభుత్వ పతనానికి కౌంట్‌డౌన్ ప్రారంభమైందని పేర్కొన్నారు. కాళేశ్వరం ప్రాజెక్టు అక్రమాలే బీఆర్ఎస్ పతనానికి కారణమయ్యాయని, కాంగ్రెస్ ప్రభుత్వం కూడా అదే సంప్రదాయాలను కొనసాగిస్తోందని విమర్శించారు. ముసీ రివర్‌ఫ్రంట్ ప్రాజెక్టును కాంగ్రెస్ ప్రభుత్వం అవినీతికి వేదికగా మార్చిందని ఆరోపించారు. రాష్ట్ర ప్రజల డబ్బును ఢిల్లీకి తరలిస్తున్నారని విమర్శించారు.

దేశంలో శాస్త్రీయ పరిశోధన మౌలిక వసతులను మరింత బలోపేతం చేసే దిశగా ఒక కీలక అడుగు పడింది. హైదరాబాద్‌ సీఎస్‌ఐఆర్–ఐఐసీటీ లో నాలుగు అత్యాధునిక పరిశోధన కేంద్రాలను కేంద్ర శాస్త్ర సాంకేతిక శాఖ మంత్రి డాక్టర్ జితేంద్ర సింగ్ ప్రారంభించారు. అలాగే రూపుదిద్దుకోనున్న సరికొత్త విద్యార్థి హాస్టల్ భవనానికి ఆయన శంకుస్థాపన చేశారు. ఈ సందర్భంగా మాట్లాడిన కేంద్రమంత్రి… ‘వికసిత్ భారత్’ లక్ష్య సాధనలో శాస్త్ర, సాంకేతిక రంగాల పాత్ర అత్యంత కీలకమని స్పష్టం చేశారు. పరిశోధనలే దేశ ఆర్థికాభివృద్ధికి, సాంకేతిక స్వావలంబనకు బలమైన పునాది అని ఆయన పేర్కొన్నారు. పరిశ్రమలు, వ్యవసాయం, పర్యావరణ పరిరక్షణకు ఐఐసీటీ అందిస్తున్న సేవలను ఈ సందర్భంగా మంత్రి
కొనియాడారు.

హైదరాబాద్‌లోని ఎంసీఆర్ హెచ్‌ఆర్డీ బోధీ పెవిలియన్‌లో హెచ్‌డీఎఫ్‌సీ బ్యాంక్ సీఎస్‌ఆర్ నిధులతో చేపట్టిన పలు అభివృద్ధి కార్యక్రమాలను ముఖ్యమంత్రి రేవంత్ రెడ్డి ప్రారంభించారు. కార్యక్రమంలో ప్రభుత్వ ప్రధాన కార్యదర్శి సంజయ్ జాజు, ఎంపీ వేమ్ నరేందర్ రెడ్డి తదితరులు పాల్గొన్నారు. రెండు అంబులెన్సులకు జెండా ఊపి ప్రారంభించిన సీఎం, భూపాలపల్లి ప్రభుత్వ జనరల్ ఆసుపత్రిలో ఎంఆర్ఐ యంత్రాన్ని వర్చువల్‌గా ప్రారంభించారు. ఈ సందర్భంగా స్వయం సహాయక మహిళా సంఘాలకు విస్తృతంగా రుణాలు అందించాలని, లాజిస్టిక్ పార్కులు, గోదాములు, రైస్ మిల్లుల ఏర్పాటుకు బ్యాంకులు సహకరించాలని పిలుపునిచ్చారు.

గత ప్రభుత్వం ఉద్యోగులకు జీతాలు, మధ్యాహ్న భోజనం డైట్ బిల్లులు, సర్పంచ్‌ల బిల్లుల బకాయిలు కూడా చెల్లించలేదని రేవంత్ ఆగ్రహం వ్యక్తం చేశారు. బిల్లులన్నింటినీ పెండింగ్‌లో పెట్టింది కేసీఆర్ అయితే, ఆ బద్నాం మరియు నిందలను మాత్రం ఇప్పుడు తాను మోయాల్సి వస్తోందన్నారు. గత పాలకుల విపరీతమైన అప్పుల కారణంగా ఢిల్లీలో సైతం తెలంగాణ పరువు పోయే పరిస్థితి దాపురించిందని విమర్శించారు.
లక్ష కోట్ల ప్రజాధనంతో కట్టిన కాళేశ్వరం కేవలం మూడేళ్లకే కూలిపోయి ‘కూలేశ్వరం’గా మారిందని రేవంత్ రెడ్డి విమర్శించారు.

బీజేపీ జాతీయ అధ్యక్షుడు నితిన్ నబిన్‌ తెలంగాణలో పర్యటిస్తున్నారు. మూడు రోజుల పర్యటన కోసం నిన్న హైదరాబాద్‌కు చేరుకున్న ఆయన..రంగారెడ్డి జిల్లాలో బీజేపీ కార్యాలయాన్ని ప్రారంభించారు.
ఇవాళ హైదరాబాద్‌లోని వీబీఐటీలో నిర్వహించే ‘వికసిత్ భారత్ యువ సంవాద్’ కార్యక్రమంలో పాల్గొని ప్రసంగించనున్నారు. అనంతరం వరంగల్‌కు వెళ్లి గిరిజన ప్రతినిధులతో సమావేశమై, ఉమ్మడి వరంగల్ జిల్లా బీజేపీ బూత్ కార్యకర్తలను ఉద్దేశించి మాట్లాడనున్నారు. రాత్రికి తిరిగి హైదరాబాద్‌కు చేరుకుంటారు. ఇక జూన్ 30న ఘట్‌కేసర్‌లో నిర్వహించే బీజేపీ తెలంగాణ రాష్ట్ర కార్యవర్గ సమావేశంలో పాల్గొని పార్టీ శ్రేణులకు దిశానిర్దేశం చేయనున్నారు. ఈ పర్యటనలో పార్టీని క్షేత్రస్థాయి నుంచి మరింత బలోపేతం చేయడంతో పాటు, తెలంగాణలో పార్టీ విస్తరణపైనే ఫుల్‌ ఫోకస్‌ పెట్టారు నితిన్ నబిన్. రాష్ట్ర నాయకులతో కలిసి పలు సమీక్షలు, సమావేశాల్లో పాల్గొననున్నారు.

దేశంలో అనేక రాష్ట్రాల్లో కమలం వికసిస్తోందని..రాబోయే రోజుల్లో తెలంగాణలోనూ విజయం సాధిస్తామని ఆయన ధీమా వ్యక్తం చేశారు. బెంగాల్లో కార్యకర్తలు కష్టపడి బీజేపీని అధికారంలోకి తీసుకొచ్చారని..తెలంగాణలోనూ కార్యకర్తలు పార్టీని క్షేత్రస్థాయిలోకి తీసుకెళ్లాలని సూచించారు. డబుల్ ఇంజిన్ సర్కార్ వస్తేనే.. తెలంగాణ అభివృద్ధి జరుగుతుందన్నారు. లోక్‌సభలో 2 సీట్లతో ప్రారంభమైన బీజేపీ ఇప్పుడు అప్రతిహతంగా సాగుతోందని గుర్తు చేశారు. ఏక్ భారత్-శ్రేష్ట్ భారత్ లక్ష్యంగా ప్రధాని నరేంద్ర మోదీ కృషి చేస్తున్నారని.. త్వరలో తెలంగాణలో కాషాయ జెండా ఎగరాలని నితిన్ నబిన్ ఆకాంక్షించారు.

జనగామ జిల్లా పోలీస్ శాఖలో తీవ్ర కలకలం రేగింది. బాధ్యతాయుతమైన పదవుల్లో ఉంటూ నిబంధనలకు విరుద్ధంగా వ్యవహరించారనే ఆరోపణలపై ఒకే పోలీస్ స్టేషన్‌కు చెందిన సీఐ, ఎస్‌ఐలపై సస్పెన్షన్ వేటు పడింది. నర్మెట సీఐ అబ్బయ్య, ఎస్ఐ షేక్‌ హమీద్‌లను సస్పెండ్ చేస్తూ వరంగల్ పోలీస్ కమిషనర్ సన్‌ప్రీత్‌సింగ్ సంచలన ఆదేశాలు జారీ చేశారు. ఒకే కేసు వ్యవహారంలో ఇద్దరు ఉన్నతాధికారులు ఏకకాలంలో సస్పెండ్ కావడం ఉమ్మడి వరంగల్ జిల్లా వ్యాప్తంగా ఇప్పుడు తీవ్ర చర్చనీయాంశంగా మారింది. ప్రస్తుతం నర్మెట సర్కిల్‌లో విధులు నిర్వహిస్తున్న సీఐ అబ్బయ్య, ఎస్ఐ షేక్ హమీద్ గతంలో బచ్చన్నపేట పోలీస్ స్టేషన్‌లో పనిచేశారు. ఆ సమయంలో పోచన్నపేట గ్రామానికి చెందిన ఒక వివాదాస్పద కేసు విషయంలో వీరిద్దరి తీరుపై తీవ్ర స్థాయిలో ఆరోపణలు వచ్చాయి. బాధితులకు న్యాయం చేయాల్సింది పోయి, ఇద్దరు అధికారులు కలిసి అక్రమాలకు పాల్పడ్డారంటూ వరంగల్ సీపీ సన్‌ప్రీత్‌సింగ్‌కు ఫిర్యాదులు అందాయి. ఈ ఫిర్యాదులను తీవ్రంగా పరిగణించిన వరంగల్ సీపీ.. సదరు కేసుపై అంతర్గతంగా సమగ్ర విచారణ జరిపించారు. ఈ విచారణలో సీఐ అబ్బయ్య, ఎస్ఐ హమీద్ ఇద్దరూ బాధ్యతారాహిత్యంగా వ్యవహరించినట్లు, విధి నిర్వహణలో నిబంధనలు ఉల్లంఘించినట్లు ప్రాథమిక ఆధారాలు లభించాయి. దీంతో శాఖాపరమైన క్రమశిక్షణను ఉల్లంఘించినందుకు గానూ వీరిద్దరినీ సస్పెండ్ చేస్తూ సీపీ ఉత్తర్వులు జారీ చేశారు. శాఖలో అవినీతికి, అక్రమాలకు తావులేదని.. విధి నిర్వహణలో అలసత్వం వహిస్తే ఎంతటి వారైనా ఉపేక్షించేది లేదని ఈ చర్య ద్వారా ఉన్నతాధికారులు గట్టి సంకేతాలు పంపినట్లయింది.