శివబాలకృష్ణపై ఏసీబీ అధికారులు ప్రశ్నల వర్షం..

అక్రమాస్తుల ఆరోపణలతో అరెస్ట్ అయిన HMDA మాజీ డైరెక్టర్‌ శివబాలకృష్ణను మరోసారి కస్టడీలోకి తీసుకున్నారు. ఇప్పటికే రెండు రోజులు కస్టడీలోకి తీసుకున్న ఏసీబీ అధికారులు ప్రశ్నల వర్షం కురిపించారు. మొదటి రోజు 7 గంటలు, రెండోరోజు 6 గంటలు శివబాలకృష్ణను ప్రశ్నించారు. 50 ప్రాపర్టీస్ డాక్యుమెంట్లు, బినామిలు, స్థిర, చారస్థులపై సుదీర్ఘంగా విచారిస్తున్నారు ఏసీబీ అధికారులు. ప్రత్యేక గదిలో శివబాలకృష్ణను విచారించి స్టేట్ మెంట్ రికార్డ్ చేస్తున్నారు. శివబాలకృష్ణ పేరుతో 8 బ్యాంక్ అకౌంట్లు, భార్య రమాదేవి పేరుతో 4, కుటుంబ సభ్యులైన పద్మావతి పేరుతో 2, శివహరిప్రసాద్ పేరుతో ఒక బ్యాంక్ అకౌంట్​ ఉన్నట్లు గుర్తించారు. ఆయా అకౌంట్ల స్టేట్‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌మెంట్లను సేకరించారు. అలాగే శివహరిప్రసాద్ పేరిట నాలుగు బ్యాంక్ లాకర్లు ఉన్నట్లు గుర్తించారు. వాటిని ఓపెన్ చేసేందుకు బ్యాంక్ అధికారుల అనుమతి తీసుకున్నారు. భార్య, కొడుకు, సోదరుడు, బంధువుల పేర్లతో ఉన్న ఆస్తుల వివరాలను సేకరించారు.