తిరుమల శ్రీవారి దర్శనార్ధం ప్రముఖ బాలీవుడ్ నటి దీపికా పదుకుణే తిరుమలకు చేరుకున్నారు. గురువారం రాత్రి అలిపిరి కాలిబాట మార్గం లో గోవింద నామ స్మరణ చేస్తూ సామాన్య భక్తులతో కలిసి నడుచుకుంటూ దీపికా పదుకుణే తిరుమలకు చేరుకున్నారు. నడక మార్గంలో వస్తున్న దీపికా పదుకుణేతో భక్తులు సెల్పీలు తీసుకున్నారు. అనంతరం తిరుమలలోని అతిధి గృహం చేరుకున్న దీపికా పదుకుణే, రాత్రి తిరుమలలో బస చేసి, శుక్రవారం ఉదయం స్వామి వారి సుప్రభాత సేవలో మరియు విఐపి విరామ సమయంలో స్వామి వారిని దర్శించుకోనున్నారు.