కృష్ణా జిల్లా అవనిగడ్డ నియోజకవర్గంలో కౌలు రైతు ఆత్మహత్యాయత్నం చేసాడు. కోడూరు మండలం వి.కొత్తపాలెం లో కౌలు రైతు బాదర్ల సూర్య ప్రభాకరరావు ఆత్మహత్యాయత్నం చేసాడు. 10 ఎకరాల పొలం కౌలుకు వేసిన ప్రభాకరరావు తుఫాను వలన పంట మొత్తం నేలకొరిగి మొలకలు వచ్చాయని ఆవేదనతో పురుగుల మందు తాగి ప్రభాకరరావు ఆత్మహత్యాయత్నానికి పాల్పడ్డాడు. వెంటనే అతన్ని దగ్గరలో ఉన్న అవనిగడ్డ ఏరియా ఆసుపత్రికి తరలించారు. ఆసుపత్రిలో చికిత్స పొందుతున్న ప్రభాకరరావుని తెలుగుదేశం పార్టీ నేతలు పరామర్శించారు. 24 గంటలు అబ్సర్వేషన్లో ఉండాలని వైద్యులు చెప్పారు. ప్రభాకరరావు కి భార్య, ఇద్దరు కుమార్తెలు ఉన్నారు.