రాబోయే ఎన్నికల్లో రాజకీయ పార్టీలు మాదిగ, ఉపకులాలకు 21 అసెంబ్లీ, నాలుగు పార్లమెంట్ సీట్లు ఇవ్వాలని, అన్ని రాజకీయ పార్టీలు మాదిగలకు చట్టసభల్లో రాజకీయ సమన్యాయం చేయాలని డిమాండ్ చేస్తూ జనవరి 31 న ఛలో విజయవాడ యుద్ధభేరి మహాసభను విజయవంతం చేయాలని AP MRPS రాష్ట్ర అధ్యక్షుడు పేరుపోగు వెంకటేశ్వరరావు మాదిగ పిలుపునిచ్చారు. ఈ కార్యక్రమానికి సంబంధించిన వాల్ పోస్టర్ను ఈ రోజు విజయవాడలో విడుదల చేశారు. ఈ సందర్భంగా పేరుపోగు వెంకటేశ్వరరావు మాట్లాడుతూ మందకృష్ణ మాదిగ బిజెపికి మద్దతు ఇవ్వడాన్ని తప్పు పట్టారు. మందకృష్ణ మాదిగ ప్యాకేజి స్టార్ అంటూ మండి పడ్డారు.