కేరళ అసెంబ్లీ ఎన్నికల కోసం యూడీఎఫ్‌ తన ఎన్నికల మేనిఫెస్టోను విడుదల చేసింది. తెలంగాణ ముఖ్యమంత్రి రేవంత్ రెడ్డి ఈ మేనిఫెస్టోను సతీశన్‌కు అందజేశారు. రాహుల్ గాంధీ గతంలో ప్రకటించిన ఐదు హామీలతో పాటు, పలు ఇతర వాగ్దానాలతో కూడిన ఈ మేనిఫెస్టోను యూడీఎఫ్‌ విడుదల చేసింది. మహిళలకు బస్సుల్లో ఉచిత ప్రయాణం, కళాశాల విద్యార్థులకు నెలకు వెయ్యి రూపాయల ఆర్థిక సహాయం అందజేత. అలాగే, యువత వ్యాపారాలు ప్రారంభించడానికి 5 లక్షల వరకు వడ్డీ లేని రుణాలు, అలాగే 3 వేల రూపాయల పెన్షన్‌, ఊమెన్ చాందీ పేరుతో అన్ని కుటుంబాలకు 25 లక్షల వరకు ఉచిత బీమా పథకం, వృద్ధుల సంక్షేమం కోసం ఒక ప్రత్యేక శాఖ ఏర్పాటు వంటి 6 ‘ఇందిరా హామీలు’ మేనిఫెస్టోలో పొందుపరిచారు. వీటితో పాటు, ‘జాబ్ వాచ్ టవర్ల’ ఏర్పాటు, వయనాడ్‌లో ఒక గిరిజన విశ్వవిద్యాలయం, అలాగే కోజికోడ్, తిరువనంతపురంలలో మెట్రో ప్రాజెక్టులను అమలు చేస్తామని హామీ ఇచ్చింది UDF..