ఉమ్మడి నల్గొండ జిల్లాలో కౌంటింగ్ కు ఏర్పాట్లు పూర్తి

ఉమ్మడి నల్గొండ జిల్లాలో రేపు జరగనున్న కౌంటింగ్ కు అన్ని ఏర్పాట్లు పూర్తి చేశారు అధికారులు. ఉమ్మడి నల్గొండ జిల్లాలో 12 అసెంబ్లీ సెగ్మెంట్లలో 276 మంది అభ్యర్థులు పోటీలో వుండగా వారి భవితవ్యం రేపు తెలనుంది. రేపు ఉదయం 8 గంటలకు అసెంబ్లీ ఎన్నికల కౌంటింగ్ ప్రారంభం కానుంది. నల్గొండ జిల్లా కేంద్రం లోని దుప్పల పల్లి గోదాంలో ఏర్పాటు చేసిన కౌంటింగ్ కేంద్రం వద్ద మూడంచెల భద్రత ఏర్పాటు చేయడంతోపాటు, రేపు జరగనున్న కౌంటింగ్ కు అన్ని ఏర్పాట్లు పూర్తి చేశామంటున్న నల్గొండ కలెక్టర్ అర్.వి కర్ణన్.