సనాతనధర్మం మనిషి ఆచరించాల్సిన కొన్ని విధులను వివరించింది. వాటిలో సంప్రదాయకంగా ఆచరించాల్సిన ధర్మం… మనవతా ధర్మంతో చేయాల్సిన దానం. మనపురాణాల ప్రకాతం అష్ట మహాదానాలకు విశేషమైన ప్రాధాన్యత ఉంది. గరుడపురాణం ఎనిమిదో అధ్యాయంలో ఈ దానాల గురించి విపులంగా వివరించారు. నువ్వులు, ఇనుము, బంగారం, పత్తి, ఉప్పు, భూమి, ఆవులను దానంగా ఇవ్వవచ్చు. ఇక ఎనిమిదో దానం ఎంటంటే విశేష ధాన్య దానం. ఇందులో ఏడు ధాన్యాలను చేర్చారు. గోధుమలు, కందులు, పెసలు, శనగలు, బొబ్బర్లు, మినుములు, ఉలవలు ఉన్నాయి. వీటిలో ఏదైనా ఒకటిని లేదా అన్నింటినీ దానంగా ఇవ్వవచ్చు. మనం అనుభవిస్తున్న కష్టాలు..నష్టాలు, ఇబ్బందులు.. ఆర్ధిక సమస్యల తీవ్రతను బట్టి మనం చేయాల్సిన దానం ఏదో నిర్ణయించుకోవచ్చు. నవగ్రహాల దోషనవారణకు మనం ఎక్కువగా నవధాన్యాలను దానం చేయటం జరుగుతుంది. వీటిలో నువ్వులకు చాలా ప్రత్యేక స్థానం వుంది. ఇవి శ్రీ మహావిష్ణువు స్వేదం నుంచి ఉద్భవించాయి. నువ్వుల్లో మూడు రకాలుంటాయి. వీటిలో ఏది ఇచ్చినా ఉత్తమ ఫలితాలుంటాయి. ఇనుమును దానం చేయడం అనేది చాలా మందికి తెలియదు. కానీ ఇది ఎంతో ప్రశస్థమైనది. శని గ్రహదోష నివారణకు, అపమృత్యుదోష నివారణకు తప్పకుండా ఇనుము దానం చేయాలి. అయితే దీనిని దానంగా సంతోషంతో తాసుకునే వారు వుండాలి. ఈ దానం ద్వారా యమలోకానికి వెళ్ళకుండా ఉండవచ్చని శాస్త్రం తెలుపుతోంది. యముడు ఇనుముతో చేసిన ఆయుధాలు ధరించి ఉంటాడు. దీంతో ఇనుము దానం చేసిన వారు యమలోకానికి వెళ్ళరు. ఇఖ అత్యంత విలువైన లోహం బంగారం. సువర్ణదానం బ్రహ్మాదిదేవతలు, మునీశ్వరులు సంతోషించేందుకు దోహదపడుతుంది. గురుగ్రహ దోషం వున్నా దీనితో తొలగిపోతుంది. పత్తిని దానం చేయడం ద్వారా యమ భటుల భయం ఉండదు. దీనిద్వారా చంద్ర గ్రహదోషం తొలగిపోతుంది. అలాగే ఉప్పును దానం చేస్తే యమధర్మరాజు అనుగ్రహిస్తాడు. మనకు వున్న ప్రతికూల , నకారాత్మక శక్తులు మననుంచి తొలగిపోతాయి. భూమిని దానం చేస్తే సమస్త భూతాలు సంతృప్తి చెందుతాయి. తీవ్ర కుజుదోషం వున్నవారు భూదనంతో వారి కుజగ్రహదోషాన్ని తొలగించుకోవచ్చు. గోదానంతో భయంకరమైన వైతరిణి నదిని దాటిపోవచ్చు. ఎనిమిదో దానంలోని ఏడు ధాన్యాలను దానం చేయడం ద్వారా యముడి నివాసానికి రక్షణగా ఉండేవారు ఆనందిస్తారు. ఈ దానాల్లో కొన్నింటిని సామాన్యులు కూడా చేయవచ్చు. ఉప్పు, నువ్వులు, ధాన్యాలు, పత్తిని దానం చేయవచ్చు. ఈ దానాలను చేయడం వెనుక ముఖ్యవుద్దేశ్యం… లేని వానికి మనకు ఉన్నంతలో ఎంతో కొంత ఆదుకోడమే అని చెప్పవచ్చు.

ఒకానొక సందర్భంలో నేను ‘రామానుజ దాసుడను’ అని తనకు తాను రామానుజా చార్యులకు దాసుడని పేర్కొన్నారు శ్రీరంగనాథస్వామివారు.
ఎందుకంటే రామా నుజులవారి భక్తికి ఎంతో పరవశులయ్యేవారు స్వామి. మహోన్నత భక్తులు… సమ తామూర్తి… మానవతావాది శ్రీ రామానుజాచార్యులు
అంటే శ్రీరంగనాథస్వామికి అంత ఇష్టం…. అభిమానం. అందుకే రామానుజాచార్యుల నిర్యాణం అనంతరం ఆయన పార్థివ దేహాన్ని కూడా తన ఆలయంలోనే వుంచుకున్నారు. రంగనాథస్వామి. రామానుజాచార్యు నికి రంగనాథస్వామి దాసుడిని అని పేర్కొన్న ఒక కథ ఇప్పటికీ శ్రీరంగంలో ప్రచారంలో వుంది.
కొన్ని శతాబ్దాల క్రితం శ్రీరంగంలోని శ్రీ రంగనాథ స్వామి వారి దేవాలయంలో స్వామి ప్రసాదానికి భక్తులు బారులు తీరి వుండేవారు. ప్రతీ రోజు ప్రసాదం కొరకు ఎదురు చూస్తూ బారులు తీరిన భక్తులలో ఒక పేద వైష్ణవుడు వుండేవాడు. ఆయన రోజూ వరుసలో అందరికంటే ముందు నిలబడేవాడు. ఆయన తన కోసమేకాక, తన ఆరుగురు కొడుకుల కొరకు కూడా ప్రసాదం తీసుకెళ్ళేవాడు. ఆలయ అధికారులు అంత ప్రసాదాన్ని ఒకే వ్యక్తికి ఇవ్వడం సరికాదని అనేవారు. ఆయన మాత్రం ప్రసాదం ఇవ్వమని పట్టుపట్టేవాడు. ఇలా రోజూ ఆలయ అధికారులకి అతనికి కొంత వాదన జరిగేది. ప్రసాదం అంతా నీకే ఇచ్చేస్తే నీ వెనుక వున్న మిగిలిన భక్తులందరికి కొంచెమే ప్రసాదం లభిస్తుంద అని ఆలయ అధికారులు ఆ వైష్ణవుడిని మందలించేవారు. అయినా కూడా ఆ పేద వైష్ణవుడు
నా ఆరుగురు కొడుకులు ఆహారం లేక బక్క చిక్కిపోయారు, వారు ఆకలితో అలమటిస్తూ వుంటారు. నేను తీసుకువెళ్ళే ప్రసాదానికై ఎదురుచూస్తూ వుంటారు.
కనుక మీరు ఆలయ ప్రసాదం ఇవ్వకపోతే వారు నాకు దక్కరు అని ఆయన ప్రాధేయపడేవాడు. ఒకరోజు రామానుజుల వారు వైష్ణవుడు ఆలయ అధికారులకు మధ్య జరుగుతున్న వాదోపవాదాలను చూసి అక్కడకు వచ్చారు. ఏమి జరిగిందని అడిగారు. ఆలయ అధికారులు ఆ పేద వైష్ణవుణ్ణి చూపించి రోజూ అధిక ప్రసాదం కావాలని ఆయ న గొడవ చేస్తున్నాడని తెలియచేస్తారు. రామానుజులు ఆ వైష్ణవుడి దగ్గరకు వెళ్ళి నాయనా నీవు ఆలయములో కొన్ని కైంకర్యములు చేసి ఎక్కువ ప్రసాదాన్ని పొందవచ్చు కదా అని అడుగుతారు. దానికి ఆ వైష్ణవుడు రామానుజుల వారితో స్వామీ! నా బక్క చిక్కిన కొడుకులని మీరే చూడండి, రోజంతా వారికి సేవలు చేయడ ములోనే నాకు సమయం సరిపోతుంది, వీరిని వదిలేసి నేను ఆలయంలో ఏ కైంకర్యం చేయ లేను. పైగా నేను వేదాలను గాని, దివ్య ప్రబంధములను గాని నేర్చుకోలేదు, అందువల్ల నేను ఆలయ సేవ కాలములలో కూడా ఏ కైంకర్యం చేయలేను, నాకు విష్ణు సహస్ర నామం లోని కొన్ని శ్లోకాలు తప్ప ఏమి రావు, నేనేమి చేయగలను అని బదులిచ్చాడు ఆ పేద వైష్ణవుడు. సరే నీకు తెలిసిన విష్ణు సహస్రనామ శ్లోకాలని చెప్పు అన్నారు రామానుజులవారు. ఆ వైష్ణవుడు ఎంతో ఇబ్బందిగా విశ్వం విష్ణు వషట్కారో భూత భవ్య భవత్‌ ప్రభు:, భూత కృత్‌ భూత భృత్‌.. అని ఆపేసి, నాకు అంతవరకే
వచ్చు స్వామీ! అని చెప్పాడు. అతని ఇబ్బంది చూసి రామానుజులవారు సరే నీకు ‘భూత భృత్‌’ అనే భగవన్నామము తెలుసుకదా! ఆ నామాన్నే జపించు, ఇక నీకు ఇక్కడికి ఆహారార్థియై రావలసిన అవసరం ఉండదు” అని సెలవిచ్చారు. ఆనాటి నుండి ఆ వైష్ణవుడు ఇంకెప్పుడూ కోవెల ప్రసాద వితరణ ప్రాంతంలో కనిపిం చలేదు. ప్రసాదపు వరుసలలో గొడవలు ఆగిపోయాయి. అయితే ఇంకో విచిత్రమైన సమస్య మొదలయింది. రోజూ రంగనాథులకు సమర్పిస్తున్న ప్రసాదంలో చాలా భాగం మాయమై పోతుంది. పంచడానికి కొంచెమే వుంటోంది. ఆలయంలో ప్రసాదం దొంగల బారిన పడుతుందేమో అని భద్రత పెంచారు కూడా. అయినా రంగనాథులకు సమర్పించిన ప్రసాదంలో చాలా భాగం మాయమైపోతున్నది. ఆ పేద బ్రాహ్మణుడే దొంగిలిస్తున్నాడేమో అని అనుమానం వస్తున్నది అందరికి. చివరకు ఈ సమస్య గురించి రామానుజులకి తెలియచేసారు. ఆ పేద బ్రాహ్మణుణ్ణి పిలుచుకు రమ్మని రామానుజుల వారు మనుషులని
పంపారు. వారు తిరిగి వచ్చి ఆయన ఆలయానికి దగ్గరగా వున్న తన పాత నివాసంలో ఉండటంలేదని తెలిపారు. ఆ తరువాత కూడా ఆ వైష్ణవుడు ఎక్కడ ఉంటున్నాడో ఎవరికీ సమాచారం తెలియలేదు. కొంత కాలం తర్వాత, రామానుజులు ఏదో కార్యక్రమానికై శ్రీరంగం దగ్గర కావేరి నది పాయ దాటుతుండగా ఈ వైష్ణవుడు ”స్వామీ… స్వామీ” అని రామానుజులని బిగ్గరగా పిలుస్తూ వారిని సమీపించాడు. రామానుజులవారి పాదాలకు సాష్టాంగ నమస్కారం చేసాడు. ఆయన కనుల నుండి ధారగా కన్నీరు రాసాగింది. స్వామీ! మీ కటాక్షం వలన ఆ పిల్లవాడు రోజూ నాకు ప్రసాదం అందచేస్తున్నాడు. అందువల్ల నా పిల్లలు సరిపడినంత పౌష్టికాహారం తీసుకుని ఆరోగ్యవంతులయ్యారు. ఇక ఆలయ అధికారులతో గొడవలు ఎందుకని కోవెల దగ్గర గృహం నుండి నేను ఇక్కడికి వచ్చేశాను. నేను మీకు సదా కృతజ్ఞుడను. మీరు చెప్పిన విధంగా రోజూ నేను “భూత భృతే నమ:” జపాన్ని చేస్తున్నాను. అన్నాడు. అతని మాటలు విన్న
రామానుజులు ఆశ్చర్యచకితులయ్యారు. “ఎవరా పిల్లవాడు? వాని పేరేమిటి?” అని అడిగారు. ఆ పిల్లవాడు తాను రామానుజాదాసుడనని చెప్పాడు స్వామీ
అన్నాడు వైష్ణవుడు. రామానుజాచార్యులవారికి అంతా అర్థమయింది. ‘భూత భృత్‌’ నామానికి అర్థం ‘సమస్త జీవుల’ని పోషించువాడు అని అర్థంకదా!
రామానుజుల వారి ఆజ్ఞానుసారం ‘భూత భృత్‌’ను పఠించిన వైష్ణవుడి ఆకలి బాధలను తీర్చారు ఆ రంగనాథస్వామి. ఇంతకీ ఆ బాలుడు ఇంకెవ్వరు సాక్షాత్‌ శ్రీరంగనాథుడే అని తెలుసుకున్నారు శ్రీరామా నుజాచార్యులు. బాలుడి రూపంలో రంగనాథుడి దర్శనం రోజూ పొందుతున్న ఆ వైష్ణవుడి అదృష్టానికి పరవశులయ్యారు రామానుజులవారు. ఇలా స్వామివారే స్వయంగా తనని తాను రామానుజ దాసుడిని అని తెలియచేయటం ఎంతో విశేషం… అలాగే రామానుజలవారి జన్మధన్యతకాగా రామానుజలవారిని తన ఆలయంలోనే వుంచుకున్నారు స్వామి శ్రీరంగనాథుడు.

Read Also..

Read Also..

అమ్మవారి ఆరాధన విశిష్ఠతను తెల్సుకోవాలంటే ముందు అమ్మను అనుగ్రహించమని వేడుకోవాలి. మహాశక్తిని మనః పూర్వకంగా ప్రతి క్షణం ధ్యానించాలి. శక్తికి సంబంధించిన మంత్ర, తంత్ర విధానం గురువుద్వారా పొందాలి. అమ్మవారి కోరిక మేరకుపరమేశ్వరుడు శ్రీ తంత్రమును శ్రీవిద్యగా అనుగ్రహించాడు అని పండితుల తెలియచేస్తుంటారు. శ్రీ దత్తాత్రేయ స్వామి వారు త్రిపుర సుందరి అమ్మవారిని ఉపాసించి కొన్నివేల శ్లోకాలతో దత్త సంహితను రచించారని అంటారు పండితులు . లలిత సహస్ర నామ భాష్యం మనకు భాస్కరాచార్యుల వారు అందించారు. ఆయన రచనలు మూడిటిని శ్రీ విద్య ప్రస్థానత్రయం గా పేర్కొంటాము. జగద్గురువులు, వ్యాసులవారి ఆర్యాద్విశతి, శ్రీ ఆదిశంకరాచార్యుల వారి సౌందర్యలహరి మొదలగు అమ్మవారి స్తోత్రాలను మనకు అందించారు. నేడు ఆ స్తోత్రాలతోనే మనం శ్రీచక్రాన్ని పూజించి అమ్మవారి అనుగ్రహాని పొందగలుగుతున్నాం. అరవిందుల వారు, శ్రీ కావ్యకంఠ గణపతి శాస్త్రి గారు దశ మహా విద్యలు గురించి వివరించారు. కాళి, తార, త్రిపురసుందరి, భువనేశ్వరి, భైరవి, చిన్నమస్తా, ధూమవతి, భగళ, మాతంగి, మరియు కమలాత్మిక. ఈ పేర్లతో అమ్మవారిని దశమహావిద్యలలో మనం ఆరాధిస్తాం .అమ్మ కొలువుదీరిన ప్రదేశాలు ఎన్నెన్నో ప్రసిద్ద క్షేత్రాలుగా పేరుగాంచాయి. మహిమలను చూపాయి.హిమాలయాలలో
ఉమాదేవి, కశ్మీర్లో అంబ సరస్వతి గానూ, వారణాసిలో విశాలాక్షి, కన్యా కుబ్జంలో గౌరీ, మహారాష్ట్రలో భవాని, కలకత్తా కాళీ దేవి, కన్యాకుమారి బాల, మధుర లో మీనాక్షి, శ్యామల, మంత్రిణి గానూ, జంబుకేశ్వరం అఖిలాండేశ్వరి దేవి లేదా దండిణి , కాంచీపురం లో కామాక్షి లేదా మహా త్రిపుర సుందరి, శృంగేరిలో శారదా దేవి, మైసూరులో చాముండేశ్వరి, భగవతి గా కేరళ లోనూ, శివ శక్తి స్వరూపంగా అమ్మవారు పూజలందుకుంటోంది. నవరాత్రులలో ప్రతి గృహంలోనూ దుర్గా లక్ష్మి సరస్వతి గా, ముగ్గురమ్మల మూలపుటమ్మ గానూ పూజింపబడుతుంది శ్రీలలితా పరాభట్టారిక. ఏ రూపంలో అమ్మ పూజలు అందుకున్నప్పటికీ శ్రీ శంకరాచార్యులవారు సౌందర్యలహరిలో చెప్పినట్లుగా పరబ్రహ్మ స్వరూపంగా జగత్ ప్రసిద్ది పొందింది. నిజమైన సౌందర్యాన్ని చూడాలి అంటే అమ్మనే చూడాలి. భక్తి భావంతో చూడాలి. అత్యంత ప్రశాంతమైన అద్భుతమైన రూపం అమ్మది. ఆ అమ్మ శక్తి స్వరూపం. వేదాలలో ఆమెను శ్రీ సూక్తం ,దుర్గా సూక్తం, భూ సూక్తం త్రిపుర, భవానోపనిషధ్ లు,ఇతర దేవీ ఉపనిషద్ లలో శివశక్తి రూపిణీ గా అభివర్ణించారు. నిత్యం చేసే సంధ్యా ఉపాసనలో గాయత్రీ దేవిగా కరుణిస్తుంది. మార్గ దర్శనం చేస్తుంది అన్ని పురాణ కథలు లో కార్య సాధన కోసం ఆమెని ప్రార్థించారు. కళ్యాణం కోరిన వరునితో జరగడానికి సాక్షాత్ రుక్మణీదేవి కూడా ” హరిన్ పతి సేయుమమ్మా.”అంటూ వేడుకోవడం పోతన గారు అందంగా మనకు భాగవత కథలోఅందించారు. బ్రహ్మ పురాణంలోని లలితా సహస్రనామ స్తోత్రము మరియు త్రిశతి అమ్మను ఏ విధంగా కొలవాలి. అని మార్గం చూపుతాయి. మార్కండేయ పురాణం కూడా శక్తి స్వరూపంగా లలితా దేవిని చండీ రూపంలో ఆరాధన మంచిదని అని చెప్తుంది. ఆగామ,రహస్య, సంహిత,యమల, అర్ణవ,తంత్ర…ఇలా పరి పరి విధాల అమ్మను కొలవడం తెలిసిందే. ఇలా శ్రీలలితా పరాభట్టారిక గురించి ఎంత చెప్పుకున్నా తక్కువే అన్పిస్తుంది.

జాతకంలో రాహుగ్రహదోషం వున్న వారు తప్పకుండా ప్రతి మంగళవారం, ప్రతి శనివారం నిష్టగా..నియమంగా మట్టితో చేసిన గణపతిని బెల్లం ప్రసాదంగా పెట్టి, గరికతో పూజించాలి. తద్వారా రాహుగ్రహ అనుగ్రహం తప్పక కలుగుతుంది.ఇక మీ జాతక చక్రంలో రాహువు బలహీనముగా ఉన్నప్పుడు చట్ట వ్యతిరేక కార్యకలా పాలు చేయుటయందు ఆసక్తి, నీచమనుషులతో సహవాసము, సంఘవిద్రోహ చర్యలు, జైలు శిక్షలు అనుభవించుట, కుష్టు లాంటి వ్యాధులు, విద్యార్థులు చదువు మధ్యలో మానివేయుట, పాడుపడిన ఇంటిలో లేదా దాని పరిప్రాంగణంలో నివసించుట, ఇంట్లో బొద్దింకలు, పందికొక్కు లు, పాములు సంచరించటం, గురువును అవమానించటం, రాత్రి వేళలో భయంకరమైన కలలు రావటం, శుభకార్యములు వాయిదా పడుట, వాహన ప్రమాదములు జరుగుట, గృహంలో విద్యుత్తుతో పనిచేసే వస్తువులు పాడగుట, విలువైన వస్తువులు దొంగలు ఎత్తు కొనిపోవటం, అనేకరకాల అవమానాలు భరించాల్సి రావటం… మొదలగునవి జరిగునప్పుడు రాహుగ్రహ దోషముగా గుర్తించి, దోష నివార ణకు కనక దుర్గ అమ్మవారిని పూజించుట, దేవి భాగవతం పారాయణం చేయుట, గోమేధికం గాని ఎనిమిది ముఖములు గల రుద్రాక్షను గాని ధరించుట. భవాని మాల ధరించుట, స్త్రీలను గౌరవించటం వలన రాహు గ్రహ అనుగ్రహం కలుగును. ఈ సమయంలో ఎక్కువగా దుర్గా సప్తశ్లోకి పఠించటం చాలా మంచిది.

మన జాతక చక్రంలో బుధుడు బలహీనంతగా ఉన్నట్లయితే.. మరకత గణపతిని ఆరాధించాలి. అంటే ముదురు ఆకుపచ్చ రంగులో వున్న గణపతి విగ్రహాన్ని తప్పక పూజించాలి. నియమంగా ప్రతిరోజు గణపతికి గరికతో పూజ చేసి, నానబెట్టిన పెసలు ప్రసాదంగా కొంతమందికి పంచినట్లైతే మీకు మేలుకలుగుతుంది. బుధ గ్రహం అనుకూలంగా వుంటుంది. ఇక జాతకంలో బుధుడు అనుకూలంగా లేకపోతే నరాల బలహీనత, జ్ఞాపకశక్తి లేకపోవటం, చదువులో అభివృద్ధి లేక పోవడం, నత్తిగా మాట్లాడడం, వ్యాపారాల్లో నష్టాలు, సరైన సమయానికి సరైన నిర్ణయాలు తీసుకోలేకపోవడం, తెలివితేటలు లేకపోవడం, ఊపిరితిత్తులకు సంబంధించిన వ్యాధులు, అనుమానం, తరుచూ పెద్ద ఎత్తున ధననష్టం మొదలగునవి జరుగుతుంటాయి. బుధగ్రహ దోషంగా గుర్తించి బుధ గ్రహానుగ్రహం కొరకు విష్ణు సహస్రనామం పారాయణ చేయడం, వేంకటేశ్వరస్వామి వారిని విఘ్నేశ్వర స్వామి వారిని ప్రార్థించుట వారికి సంబంధించిన క్షేత్రాలను దర్శించుట, ఆవుకు పచ్చగడ్డి, తోటకూర లాంటివి ఆహారంగా ఇచ్చుట,పెసలు దానం చేయుట, విద్యార్థులకు పుస్తకాలను దానం చేయట వలన బుధుని యొక్క అనుగ్రహం కలుగుతుంది.