బాహుబలి సినిమాతో తెలుగు సినిమా సత్తాని ప్రపంచవ్యాప్తంగా వ్యాపించేలా చేసిన నటుడు, పాన్ ఇండియా హీరో ప్రభాస్ నటించిన సలార్ మూవీ శుక్రవారం రిలీజ్ సందర్బంగా థియేటర్ల వద్ద అభిమానుల సందడి. అనంతపురం జిల్లా గుత్తి పట్టణంలో ప్రభాస్ అభిమానులు సంబరాలు చేశారు. ముందుగా సాలార్ సినిమా ప్రదర్శిస్తున్న థియేటర్ల వద్ద అభిమానులు టపాసులు కాల్చి హంగామా చేశారు. థియేటర్ల వద్ద భారీ ఎత్తున ఫ్లెక్సీలను కట్టి తమ అభిమానాన్ని చాటుకున్నారు. కెపిఎస్ మూవీ థియేటర్ వద్ద అభిమానులు సినిమా పోస్టర్ కు హారతులు ఇచ్చి టెంకాయలు కొట్టారు. బాహుబలి మళ్లీ వచ్చాడంటూ నినాదాలు చేశారు. జై రెబల్ స్టార్ జై ప్రభాస్ అంటూ నినాదాలు చేశారు. ఈ సినిమా పట్టణంలోని రెండు థియేటర్లలో ప్రదర్శిస్తున్నారు. సినిమా థియేటర్ల వద్ద ఎలాంటి అవాంఛనీయ ఘటనలు జరగకుండా పోలీసులు గట్టి బందోబస్తు ఏర్పాటు చేశారు.