ఎప్‌స్టీన్‌ సెక్స్‌ రాకెట్ ప్రపంచవ్యాప్తంగా సంచలనం సృష్టిస్తోంది. వాటిల్లో పలువురు ప్రముఖుల పేర్లు వెలుగులోకి వస్తుండటంతో ఉక్కిరిబిక్కిరి అవుతున్నారు. ఆ ఫైళ్లలో బ్రిటన్ రాజు సోదరుడు ఆండ్రూ మౌంట్‌బాటెన్ విండ్సర్‌ పేరు కూడా ఉండటంతో అక్కడ రాజకీయంగా దుమారం రేగుతోంది. సెక్స్‌ కుంభకోణం నేరస్థుడు ఎప్‌స్టీన్‌తో బ్రిటన్‌ రాకుమారుడు ఆండ్రూకు సంబంధాలున్నట్లు ఆరోపణలున్నాయి. దీనిపై బ్రిటన్‌లో రాజకీయ దుమారం చోటు చేసుకుంది. ఈ నేపథ్యంలో ఆయన్ను అరెస్టు చేసినట్లు యూకే పోలీసులు వెల్లడించారు. పదవీ దుర్వినియోగం ఆరోపణల కింద కస్టడీలోకి తీసుకున్నామని పేర్కొన్నారు. మాజీ యువరాజు పేరు చెప్పకుండా అరెస్టు చేసినట్లు పోలీసులు తెలిపారు.